kabhi to main bhi tumhe yaad aaya..

Kabhi to main bhi tumhe yaad aaya hoga
Yaadon mein aakar sataaya to hoga

Zindagi ki kitab ke panne palte to honge
Mujhko wahan kahin paaya to hoga

Kabhi un galiyon se fir tum guzre to hoge
Kisi mod par koi tumse takraaya to hoga

Kabhi apni kahani kisi ko sunayee to hogi
Mera zikr wahan kabhi aaya to hoga

Bolte bolte lab kabhi ruk gaye honge
Dil ko fir apne samjhaaya to hoga

Kabhi tanha akele kahin tum baithe to hoge
Ret par likh kar JEET mitaaya to hoga

Meri zindagi to bas yun hi guzar rahi hai
Kisi ne tumhe yeh bataaya to hoga..

shukriya