Kaisay hua yeh??:Shayri for Dard -e- Judai

Brijinder

Guest

Kaisay hua yeh???

Ik waqt tha k mujhsay milnay ki umeed
baraa daiti thi teray dil ki darkan
Pighal jaati thi tum meri baahoN maiN aakar
Bun jaati thi bus mera unwaan-e-sukhan

Teri aankhoN maiN umar umar aataa tha pyaar
Meray liyay tha teray jism-o-jaaN ka saraa khumaar
meri furqat guzarti thi bun kay khizaaN
Meri aamad hoti thi teray liyay paigham-e-bahaar

Tum k jaisay thi shiddat-e-muhabbat ki saraapaa tasveer
K jaisay rati aur gaNga ki mil kar likhi huee tehreer
Kehti thi k maiN hooN tumhaari ziNdagi ka haasil
Kehti thi k maiN tumhaary khwaaboN ki taabeer

Aur sach kahuN k ab galay lagti ho kuch aisay
K jaisay ho faqt beetay dinoN ka lihaaz
Bataao k yeh hai mehaz meri nighaah ka feraiyb
Ya ki hai tark-e-muhabbat ka aghaaz?

KyuNki yeh diwaanaa tujhsay paihum israar karay
Sirf isliyay phir milnay ka tu qaraar karay
Aur main udaas na ho jaoN kahin
Bus isliyay tu ab mujhsay izhaar-e-pyaar karay

Badhawaas sa "Sagar" yeh tak rahaa
Ki kaisay Taa_luk takalluf maiN badal rahaa
-----------------------------------
Meanings:
Rati-Goddess of sex,Ganga-symbol of purity
Furqat-judia, Aamad-my coming(visit),Shiddat-e-muhabbat-intensity of love, Tark-e-muhabbat-end of love
Paihum-lagaataar(continous),Israar-nivedan(request)


	Logged

Similar Poetry and Posts (Note: Find replies to above post after the related posts and poetry)
	kaisay bataoon key tum merai kaun hoo, by muneeb in Mazahiya Shayri(Funny Shayari) « 1 2 All »
	Guzartay hain yahan din raat kaisay by ysiddiqi in Ghazals
	Na janay ma hamare sab batay kaisay jan layte hai by sushilbansal in Shairi for Manzar -e- Kudrat
	Dardey furkat saho gay kaisay by sushilbansal in Shairi - E - Zindagi
	Zindagi kaisay faaslay deti (by vb) by vb in Ghazals

Sunita Virender Singh

Guest

Kaisay hua yeh??

«Reply #1 on: May 28, 2007, 05:20:43 AM »

namastey bhaiya
kaise hai.n aap, hamesha ki tarah es baar ek superhit nazam....bahut accha lagta hai aapko padna, aapki har rachna mei.n ahsaas bahut gahrey hote hai.n....es khoobsurat nazam ke liye dil se mubarakbaad kabool kijiye.

regards


	Logged

Shikha12

Guest

Kaisay hua yeh??

«Reply #2 on: May 28, 2007, 06:06:06 AM »

Quote

Tum k jaisay thi shiddat-e-muhabbat ki saraapaa tasveer
K jaisay rati aur gaNga ki mil kar likhi huee tehreer
Kehti thi k maiN hooN tumhaari ziNdagi ka haasil
Kehti thi k maiN tumhaary khwaaboN ki taabeer

Wow... That's really Very Nice... =D> =D> =D>

Lovely post Brijinder.. Usual Smile

Bahut achha laga aapki rachna ko padna... Usual Smile


	Logged

Brijinder

Guest

thanx

«Reply #3 on: May 28, 2007, 09:16:54 PM »

I am thankful to all of u for the kind words of appreciation.but there are many so-called sentries of the litrature at few sites who would rather have that i stop writing shayri all together as they see no value or the beauty in my poems.So take care when u give such warm compliments.


	Logged

Pages: [1]

Yoindia ShayariAdab > Shayri ( Poetry ) or Shayari > Shayri for Dard -e- Judai > Topic: Kaisay hua yeh??