www.facebook.com/dardkaaalamshaayarabhay@gmail.comKHOYE HUE PYAAR KI KAHAANI.....AASHIQ KE ASSHKO KI ZUBAANI..... from DARD KA AALAM written by ABHAY SHUKLA
Teri yaad me ab kuch nazar nahi aa rahaa
Teri tasvir bhi mai thik se dekh nahi paa rahaa
Manjar teri yaado ke mere nazaare me hain lekin
Iss dil ke dariyaa ka kya karu jo meri aankho se behtaa hi jaa rahaa
Jo mere aansu teri eklauti tasveer par pade to teri tasveer dhundhli padh gayi
Tanhaayi me chubhti hain vo yaade jin yaado ki dil me sooli gadh gayi
Duniya jannat lagti thi mujhko jab teri god me sar rakh kar mai sotaa thaa
Waqt thehar jaataa kaash jab jab mai tere pass hota tha
Teri vo maasum si muskuraahat jaise meri khushi ka thikaanaa thi
Teri vo baahe jaise meraa aashiyaanaa thi
Sar rakh kar jab mai tere kaandhe par rotaa tha
Dard apne dil kaa dil se kuch iss kadar khotaa thaa
jaise teri mehak se har saans meri jindagi ki thi
Lagta tha jaise ye duniya mili hi mujhko meri pasandagi ki thi
Tere sath waqt ka pataa nahi chaltaa tha
Dil me jamaa mera saaraa dard ka dariyaa pighal kar nikaltaa tha
Taazaa hain aaj bhi vo lamhe jo humne sath me milkar kaante the
Ab ho rahe taazaa vo dard jo humne sath me milkar baante the
Teri ek jhalak paane ko raat ko andheri sunsaan raah par ghanto paidal hum chalte the
Jo na ho paaye deedaar tera to lagta tha jaise raah par har kadam ke sath kaante laakho nikalte the
Har lamha kaid hai tasveer bankar tere sath ka mere dil ki deevaar me
Tu ek din aayegi laut kar, jindaa hai ye shaksh iss hi aitbaar me
Vo gujraa zamaanaa yaad hai
Vo ishq puraanaa yaad hai
Vo mohabbat ka afsaanaa yaad hai
Mulaakaat ka har bahaanaa yaad hai
Vo mera ruth jaanaa yaad hai
Vo tera manaanaa yaad hai
Door jaa kar mujhe rulaanaa yaad hai
Fir majaak tha kehkar mujhe behlaanaa yaad hai
Vo har mulaakaat par nazare jhukaanaa yaad hai
Nazare milaakar tera sharmaanaa yaad hai
Vo har baat par tera itraanaa yaad hai
Teri adaao ka andaaz kaatilaanaa yaad hai
Dard ke har mukaam par mera sath nibhanaa yaad hai
Mere dard par tera aansu bahaanaa yaad hai
Vo basaayaa tere sath khwaabo kaa aashiyaanaa yaad hai
Vo jajbaat aashiqaanaa yaad hai
Har mulaakaat ka nazaraanaa yaad hai
Har mulaakaat ke baad mujhe jor se gale lagaanaa yaad hai
Dekh tera Abhay ro raha hai, mujhko chup kyo nahi karaati hai
Aur kitna intejaar karwaayegi, tu vaapas kyo nahi aati hai
Bahut waqt gujar gayaa, sirf ek baar apni surat mujhko dikhaazaa
Ek baar kahi se mujhe apni pyar bhari meethi awaaz to sunaa jaa
Nahi to hum yu hi baithe rahenge hamesha apne dil me dil ki pyaas liye
Hum jite rahe tere aane ki ek dhundhli si aas liye
Teri tasvir ko apne dil ke hameshaa pass liye
Koste rahenge khud ko sadaa ghut ghut kar ye soch kar kyo nahi bachaa sakaa mai uss raat uss haadse se tujhko
teri wafaa ki tadap ke dard kaa ehsaas liye...
on eTI community..
