kuchh ishaare the

kuchh ishaare the jinhein duniyaa samajh baiThe the ham
us nigaah-e-aashanaa ko kyaa samajh baiThe the ham

raftaa raftaa Gair apanii hii nazar mein ho gaye
vaah rii Gaflat tujhe apanaa samajh baiThe the ham

hosh kii taufiiq bhii kab ahal-e-dil ko ho sakii
ishq mein apne ko diivaanaa samajh baiThe the ham

beniyaazii ko terii paayaa saraasar soz-o-dard
tujh ko ik duniyaa se begaanaa samajh baiThe the ham

bhuul baiThii vo nigaah-e-naaz ahad-e-dostii
us ko bhii apnii tabiiyat kaa samajh baiThe the ham

husn ko ik husn kii samajhe nahiin aur ai 'Firaq'
meharbaaN naameharbaaN kya kya samajh baiThe the ham (n/m)

Lovely sharing Shihab Ji