lo fir aa gayi raat

Lo fir aa gayi raat
Aur le aayi yaadon kee baaraat
Majboori ke haathon mein
Toote hue khwabon ka band baaja
Aur us se sisakti hui aansuon kee dhun pe
Naachte hue beete  lamhon ka huzum
Main dard ke rath pe baitha sab dekhta hun
Unme se kuch haseen  lamhe
 mujhe bhi mazboor karte hain naachne pe
Aur main bhi sudh budh khokar
Aansuon kee dhun pe
Jhoom jaata hoon unke saath
Naachte naachte main
 udaas, bujhe chehron wale lamhon se takrata hun
Aur ruk jata hun
Par fir se haseen lamhe mujhe kheench lete hain
Aur main unke saath fir se kho jata hun.........

vry good aru jee

thanx ravi jee....

thanx ravi jee...

thanx aqsh jee......