Meri Talaash........( Ghayel ):Shayri for Dard -e- Judai

Sajid_Ghayel

Guest

Meri Talaash……

Barish ki tumko bundo mein
Suraj ki tumko kirno mein
Shaam ki tumko laali mein
Phulo ki tumko daali me
Nadiya mein tumko sagar mein
Gori ki tumko gaager mein
Maine tumko kaha nahi dhoondha

Nazmo mein tumko ghazlo mein
Gehu ki tumko faslo mein
Peeda mein tumko raahat mein
Nafrat mein tumko chahat mein
Rindo mein tumko pyaalo mein
Lamho mein tumko saalo mein
Maine tumko kaha nahi dhoondha

Masjid mein tumko mandir mein
Momin mein tumko kaafir mein
Thandak mein tumko garmi mein
Sakhti mein tumko narmee mein
Khushki mein tumko nadiyo mein
Basti me tumko galiyo mein
Maine tumko kaha nahi dhoondha

Saahil pe tumko toofaa.n mein
Paththar mein tumko insaa.n mein
Radha mein tumko Sita mein
Vedo mein tumko Geeta mein
Shraddha mein tumko bhakti mein
Nirbal mein tumko shakti mein
Maine tumko kaha nahi dhoondha

Bachcho ke tumko bachpan mein
Balkhatein tumko yauvan mein
Aakho ke tumko kajal mein
Gyaani mein tumko pagal mein
Chudi mein tumko kangan mein
Sandal mein tumko chandan mein
Maine tumko kaha nahi dhoondha

Kamre mein tumko aangan mein
Dharti ke tumko Kankan mein
Jeevan ke tumko jeevan mein
Naino ke tumko darpan mein
Makka mein tumko kaashi mein
Kismat mein tumko raashi mein
Maine tumko kaha nahi dhoondha

Jab thak ke haar chuka tha main
Har as meri thi toot gayee
Ek dor jo tum tak pohchati
Woh dor bhi humse jab choot gayee
Tab haskar mujhse tum boli
Ek baar tatolo dil apna
Main kabse yaha maujood sanam
Q bhool gaye tum dil apna
Khushiyo ke aasoo aakho mein
Haalet par meri hastey they
Jo dil me mere rehta tha
Usey baher dhoondha kartey they
Jo dil me mere rehta tha
Usey baher dhoondha kartey they

Sajid Ghayel


	Logged

Similar Poetry and Posts (Note: Find replies to above post after the related posts and poetry)
	Tum Ghazal meri........( Ghayel ) by Sajid_Ghayel in Shayri for Khumar -e- Ishq
	Ghazal hai meri.....( Ghayel ) by Sajid_Ghayel in Ghazals
	TALAASH MERI by BANSI DHAMEJA in Share:Miscellaneous Shayari
	Meri behna tu meri daulat hai.........( Ghayel ) by Sajid_Ghayel in Occassion Specific Poetry
	Meri Aakhri talaash hai tu... by Mr.Lonely khan in Share:Love Poetry

roy

Guest

Re: Meri Talaash........( Ghayel )

«Reply #1 on: June 22, 2012, 06:52:20 PM »

aree waaaaah sir

HATS-OFF
bohot umdaaa sir bohot he zada umda
SALUTE SIR APKO

har ek shabd chota hai iss CREATION K LIYE
kya khoob likha hai
LAAAAAAAAJWAAAAB !!!!!!!!

APKI SHAYRI KA KAYAL HO GYA YE ROY !!!!


	Logged

Aarish

Guest

Re: Meri Talaash........( Ghayel )

«Reply #2 on: June 23, 2012, 12:50:51 AM »

bohut khoob ghayel bhai lajwab kya alfaz piroye hain , bohut khooob, dheron daad qubool kijiye....


	Logged

sksaini4

Ustaad ae Shayari

Rau: 853

Offline

Gender: Male

Waqt Bitaya:
112 days, 8 hours and 51 minutes.
Posts: 36414
Member Since: Apr 2011

Re: Meri Talaash........( Ghayel )

«Reply #3 on: June 23, 2012, 01:40:45 AM »

bahut hee pyaaraa kalaam dheron daad


	Logged

shaukeen

Guest

Re: Meri Talaash........( Ghayel )

«Reply #4 on: June 23, 2012, 12:41:03 PM »

Bahut acche janaab
bahut acche
bahut acche
bahut acche
bahut acche
bahut acche


	Logged

suman59

Guest

Re: Meri Talaash........( Ghayel )

«Reply #5 on: June 24, 2012, 04:08:43 PM »

shuru se aakhri line tak bahut khoob likha aapne sajid jee.


	Logged

rajkamal singh

Guest

ek aapki , ek hamari.......(TALAASH)

«Reply #6 on: November 25, 2012, 04:48:36 PM »

i wrote one poem by the same title, hope u like it, however yours is fantastic great job.

   MERI TALAASH

  jab se jeevan mila
  har insaan ki bhanti jeeye jaa rha hu
  vichlit hu.
  par apne jeevan k shaurya aur lakshya ko talaash rha hu

  jab se chalne laga
  apne raste khud banata ja rha hu
  thak chuka hu
  phir bhi apni manzil ko talaash rha hu.

  jab se hasne laga
  in palon ko ek khubsoorat potli me baandhe ja rha hu
  rota bhi hu.
  isliye kisi khilte chehre ko talaash rha hu.

  jab se darne laga,
  salamati ki dua roz karta aa rha hu
  sehma hua hu.
  par aage badhne ki himmat talaash rha hu

  jab se samajhne laga,
  har mod par dost banaye ja rha hu
  ghira rehta hu.
  par kisi sachche ke sath ko talaash raha hu

  jab se pyaar karne laga
  is dharti ko apni maa manta aa rha hu
  maayus hu.
  par phir bhi is maa k liye mar mitne walo ko talaash rha hu

  jab se likhne laga
  apne shabdon ko ek dor par sajaye ja rha hu
  thukraya ja chuka hu.
  par inhe samajhne walon ko talaash rha hu.


	Logged

Sajid_Ghayel

Guest

Re: Meri Talaash........( Ghayel )

«Reply #7 on: May 06, 2013, 02:38:49 PM »

Quote from: roy on June 22, 2012, 06:52:20 PM

Aapki zarranawazi hai Roy saheb warna main is kabil kaha.....thank u so much.


	Logged

Pages: [1]

Yoindia ShayariAdab > Shayri ( Poetry ) or Shayari > Shayri for Dard -e- Judai > Topic: Meri Talaash........( Ghayel )