Mujhe hosh nahi hai

Mujhe na aur pilao ki mujhe hosh nahi hai,
Sitam yun dil pe na dhao ki mujhe hosh nahi hai..

Mujhe malum hai paimano ka imaan nahi hota,
Mai chalkate nigahon ka koi bhagwan nahi hota,
Kuch toh taras hi khao ki mujhe hosh nahi hai..
Mujhe na aur pilao ki mujhe hosh nahi hai..

Teri muhabbat ka ye nasha toh kabhi kam nahi hota,
Sooni raton mein basere sa koi gum nahi hota,
Mujhe na aur jagao ki mujhe hosh nahi hai..
Mujhe na aur pilao ki mujhe hosh nahi hai..

Akelepan ki iss syaahi se dil bhi syaah hua hai,
Tujhse ye doori bhala dil ke liye kam kya saza hai,
Ismein muskaan na milao ki mujhe hosh nahi hai..
Mujhe na aur pilao ki mujhe hosh nahi hai..

Kuch kar sakte ho toh marhum hi laga do dil par,
Ek ehsaan tum taa-umar laga do dil par,
Sab rasme todd ke aao ki mujhe hosh nahi hai,
Mujhe na aur pilao ki mujhe hosh nahi hai..
Sitam yun dil pe na dhao ki mujhe hosh nahi hai..

Shukriya Parwaaz Sahab,

Main yoindia pe kafi dino bad lauta hun....koshish kar raha hun sabhi naye chehron ko jan.ne ki....mujhe khushi hai ki apko mera likha geet pasand aaya. Aage bhi accha karne ko koshish karunga.

Cheers

Amit

Bahut Bahut dhanyavaad cara ji!!

Thanks a lot Sir!!