Odhoori Zaat

Tumari Aas key gamlo'n me rakhey phool murjhaney lagey hen..
Judaai Dhoop lagti hi '
bahot hee talkh chubbti si...
December ' Joon lagta hi..
kisi key Nam ki ghanti bajey
mujh ko tumara phone lagta hi..
Tumarey Laot aney tak,
Najaney kis Qadr Lambi Udaasi...
Aankh key bister me chupp key Rat likhey gi...
Najaney kis Qadr sapno'n ko dey gi be-ghari ka dukh...
Abhi to phir bhi baqi hi koi sapna...
Tumarey Lams key zinda warq per...
Tumari khushboie'n zinda hen phoolo'n key badn per...
Mgr aisa na ho keh khushboie'n be-chehrgi pehnie'n...
Kahee'n aisa na ho keh phool jal jaie'n kisi sapney key bujtey hee...
Tumra Lams mer jaye..
Gulaabo'n key badn me Zang lag jaye...
Kahee'n aisa na ho jana'n... !
Aana ki surkh tehni per koi Talwaar ugg aye...
Kahee'n aisa na ho keh, soch ki khirki me koi Vahem aa behtey...
Main Es takmeel key aadhey safer me hee na mer jao'n...
Ye mosam jo Odhora hi, Odhora hee na Reh jaye..
Abi to Aankh mashel hi, mujy rasta dekhati hi...
Abi to Aaina, chehra dekhata hi...
Saraab hee sahi jana'n , Ye rasta per key neechey hi...
Abi to Aas likhta hi...
Abi hi waqt muthi me..
Agrchey Ret ki manend phisilta ja raha hi...
Per...
Tumarey Laot aney tak, sambhalo'n gi koi Lamha...
Ye sara waqt girney se....
Meray haatho'n se behney se...
Zara Ek Lamha pehlay tak.....Agr Tum Laot to..
Agr Tum Laot aao to , meri Takmeel ho jaye....!!!

 
waah waah