Tere Intezaar mey (Shikha):Shayri for Dard -e- Judai

Shikha12

Guest

Teri ulfat ka yakeen tha,
Tere aaney kii umeed thi…
Tere intezaar mey katii phir ek shaam zindagi kii….

Muhabbat mey teri hum ko,
Bhoola yeh jahan saara…
Khud dil ki dhadkan apnii humko lagti hai ajnabii sii….

Sare-raah girtey hai chaltey chaltey hum,
Rehtey hai gum aksar khayalon mey yu tere…
Lagta hai aisa jaisey humpar chaii ho bekhudii sii….

Aawaz teri humko deti hai sukoon hardum,
Chehra tera rehta hai meri aankhon mey sanam….
Tere dard-e-judaai mey bhi milti hai ek khushii sii…

Bolo, Khwabon mey mere aatey ho kyon bhala
Aatey ho to chodh kar jaatey ho kyon bhala…
Aadat bus yehi teri humko lagti hai burii burii sii…

Sapney merey toot gaye,
Tujhsey judaa ho kar ke….
Per unke kuch nishaan hai meri zindagi mey abhii bhi….
------------------------------------------------------------------------------------
[/b]


	Logged

Similar Poetry and Posts (Note: Find replies to above post after the related posts and poetry)
	intezaar,tere liye by cooljames in Shayri-E-Dard
	Purana Intezaar (Shikha) by Shikha12 in Shayri for Dard -e- Judai « 1 2 3 All »
	Tere Liye..... (Shikha) by Shikha12 in Shayri-E-Dard « 1 2 All »
	Pyar se tere - shikha by Shikha sanghvi in Shayri for Khumar -e- Ishq
	Tere naam - shikha by Shikha sanghvi in Shayri for Khumar -e- Ishq

Rajbir

Guest

Tere Intezaar mey

«Reply #1 on: August 14, 2006, 04:57:15 PM »

Shikha

Bahut khoob ! Very nice words !

Keep it up !

Rajbir


	Logged

Naya_Daur

Guest

Tere Intezaar mey

«Reply #2 on: August 14, 2006, 07:15:27 PM »

A Beauty Shikha ji

ek sham zindagi ki aor tere bagair dhaal gayi
thi dil mein jo tamaana woh dil mein hi simat gayi
gila nahi tujhse,na hi koi shikayat hai JEET ko
hasrat thi tujhe dekhne ki,bas harsat hi reh gayi...!!!


	Logged

ranjana

Guest

Tere Intezaar mey

«Reply #3 on: August 15, 2006, 03:35:19 AM »

BAHUT KHOOB SHIKHA............JEET JI TOO GOOD..... Usual Smile

ek bebasi si ban ke reh gayi hai zindagi
kuch tutati si ja rahi ha lamha lama zindagi

tujhse mil ke ke pal mein bichar gayi hai zindagi
kabhi gilshan hai toh kabhi kaante si hai yeh zindagi

ki hamne laakh koshish ki aa jaaye neend raato mein
kahi sapne mein toh aa ke mil jaaye mujshe meri zindagi

kare ab kisi se kya shikva hum har baat ka
ek nadi ke do kinaaro si hai meri zindagi

uski khamosh aankho ne hame na jaane kya samjha diya
ab ek hadase ki tarah lagati hai hame apni zindagi


	Logged

Shikha12

Guest

Tere Intezaar mey

«Reply #4 on: August 15, 2006, 07:53:03 AM »

Thanks Rajbir ji, Jeet ji and Ranju di.....
&
Very nice one Jeet ji and Ranju di....Just Superb...
=D> =D> =D>
[/b]


	Logged

Shikha12

Guest

Tere Intezaar mey

«Reply #5 on: August 15, 2006, 09:23:52 AM »

Ek baar galey laga lo, mein rona chahti hu..
Tere daaman ko bhi aaj bhigona chahti hu...

Tum poochtey ho mujhsey,
Kya chahti hu mein bhala,
Tere dil mey ek chotta sa bus kona chahti hu...

Tere intezaar ki to kuch,
intehaa hi nahin hai,
In galiyon mey phir sey ab nahin khona chahti hu...

Thak chuki mein bahut,
ab teri justzoo mey e sanam,
Baazuon mey aa ke teri mein ab sona chahti hu....
[/b]


	Logged

sweet_raabii

Guest

Tere Intezaar mey

«Reply #6 on: August 15, 2006, 12:23:19 PM »

very nice all of you
specially Shikha,

keep sharing..... :wink:


	Logged

Shikha12

Guest

Tere Intezaar mey

«Reply #7 on: August 16, 2006, 09:12:10 AM »

Shukriya Sweet_Raabii.....[/b]


	Logged

Shikha12

Guest

Tere Intezaar mey

«Reply #8 on: August 17, 2006, 10:54:53 AM »

Ek nayii subah thi woh jab mujhey intezaar tera tha,
Aankhon mey tujhsey milney ka khwab sunhera tha...

Woh pyaar ki nazar teri..
Woh baatein pyaari pyaari...
Woh hath pakad kar mera baithna..
Mere dil mey bus teri yaadon ka basera tha...

Intezaar kata aur tum aaye,
Sang apney saawan laaye,
Baarish ki tip tip sii boondein,
Lagta tha pariyon ney jaisey jadoo bikhera tha...

Kandhon par tere mera sir,
aur tumhari aankhon mey ghar...
Tum paas they itney mere,
Haathon mey tere us pal bus mera chehra tha...

Lekin jaldi baat khul gayii,
Ashkhon ki barsaat sey,
Saawan ki barsaat dhul gayii...
Hath chhuta tujhsey mera,
Aur phir meri yeh aankh khul gayii...

Aankh khuli aur sapna toota,
Har woh bandhan..bandhan jhoota...
Tanha raatein, tanha aankhein aur
Tanha phir sey Dil yeh mera tha...
[/b]


	Logged

indian_groom

Guest

Tere Intezaar mey

«Reply #9 on: August 17, 2006, 02:15:48 PM »

SHIKHA ji bahut khoob..........meine aapki bichle dino se likhi ja rahi shayres phadi hai piche ka paata nahi lekin aaj kal aap kayamat dha rahi hai........kafi hadd tak aap aur anjani..........ne ranjana aur gaurav ki ghanti bja di......sach mein kaffi expressive and magnetic words use kar rahi hai aap........

keep it up.

god bless..........you all(shikha,anjani,gaurav........ranjana........) :rock:

=D> =D> =D> =D> =D> =D>
:rock: :rock: :rock:


	Logged

Shikha12

Guest

Tere Intezaar mey

«Reply #10 on: August 17, 2006, 03:29:52 PM »

Quote from: "indian_groom"

Naveen.... Aapney humari shayari padhi aur tareef ki..
Iskey liye bahut bahut Shukriya...

Lekin Ranju di aur Gaurav sey takkar lene ki main soch bhi nahin sakti...
Koii Mukabala nahin hai unsey... Woh dono hi Superb poets hai...
Unsey to bahut hadd tak main seekh rahi hoon...
Waisey bhi kuch naya likh kar main Ranju Di sey hi salah leti hoon...
Sabsey pehley unsey hi kehti hoon galti nikalney ke liye...
Jab woh paas karti hai, tab post karti hoon...
She is like Godmother for me....
And Gaurav... is a good friend... So No competition with anyone over here.... Matlab Ghanti nahin bajanii hai kisi ki...

Neways.....Thanks a lot ji... God bless u Too...
[/b]


	Logged

badnaam_shayar

Guest

Tere Intezaar mey

«Reply #11 on: August 17, 2006, 04:13:12 PM »

Quote from: "Shikha12"

Quote from: "indian_groom"

Thnx a lot Naveen and Shikha.....Yahan sab ek jaise hai...koi bada nahi hai......ab baatein khatam karo aur likhna shuru karo.......!!!!!!!

Kabhi jo khila phool mere banzar Dil me.....
Toh woh Shayad Khuda ki bhool hogi......

Badal jayegi Kyamat ki hasti sab......
Zindagi uss WaQt ek naye Daur me Tabdeel hogi......

Shayad badal jayenge hum apni Kismat bhi kahin......
Zindagi meri Raah toh Maut meri Manzil hogi.....!!!!!!!!!!!!


	Logged

Shikha12

Guest

Tere Intezaar mey

«Reply #12 on: August 18, 2006, 06:39:28 AM »

Right Gaurav....and very Nice one also....[/b]


	Logged

Shikha12

Guest

Tere Intezaar mey

«Reply #13 on: August 18, 2006, 06:40:02 AM »

Shaam sey rakha hai yeh deepak jala ke humney,
Timtimata hai yeh dekho meri chahat jaisa..
Main uth uth kar har baar dekhti hoon jharokhon sey,
Har kadam mujhey aaj lagta hai teri aahat jaisa...

Hawa chuu ke gayii hai mujhko laga tum aaye ho,
Tera ehsaas dil mey basa hai is sarsarahat jaisa...
Dard duniya mey lakh basey hai, miltey hai har mod par,
Nahin dekha hoga Dard tumney kahin Muhabbat jaisa...
[/b]


	Logged

ranjana

Guest

Tere Intezaar mey

«Reply #14 on: August 18, 2006, 07:10:11 AM »

shukriya Shikha itna maan dene ke liye ....tum bahut accha likhti ho dear ...koi shaq nahi hai is mein ....

bahut khoob gaurav and shikha wonderful job ....

jeene ki chah mein hum maut se dil laga bethe
paa na sake unko kabhi per apna chein gawa bethe

beh gayi har tamana mere dil ki aansu mein
kyu fir koi chiraag hum mohbbat ka jala behte

rahe unke intazaar mein ta umar bas nayano ko bicchaye
kyu apne ehasaaso mein fir se koi jajbaat jaga bethe

yun hi dhal rahi hai ab meri zindagi ki shaam bhi
hum fir se kyu kisi ko apna khuda bana bethe


	Logged

Pages: [1] 2 3 4 All

Yoindia ShayariAdab > Shayri ( Poetry ) or Shayari > Shayri for Dard -e- Judai > Topic: Tere Intezaar mey (Shikha)