yaadein...

yaad karo woh zamana
jo humney saath guzaara tha
yaad karo woh saaray pal
jo saath mil kar guzaaray thay..

woh pehli baar jub tumney
haath mera chua tha
merey dil mein kitney armaan
aik pal mein tumney jagaaye thay..

woh dheeray sey tumhaara
paas aakar yun kehna
mujhey chor kar naa jana kahin
merey sapnay adhooray reh jaayeingey...

woh paas aakar tumhara
merey seenay sey lipat jana
meri dharkan suntay suntay
na jaanay tum kub sojaatay thay....

yun lagta tha mujhey
ke zindagi kitni haseen hai
kese pyaar hi pyaar mein hum
aik doojay mein kho jaatey they...

woh paas nahi hai ab
tou kiya huwa shoaib
guzar jaayegi zindagi bhi
uski yaadon key sahaaray.....