yeh sawaal mere hain tumse, bolo.. charan..:Shayri for Dard -e- Judai

lovely_charan

Guest

this is something different, ek premika apne premi ko yaad karte huye kya soch rahi hai aisa maine likhne ki koshish ki hai.. dono ko biccharhe huye arsa guzar gaya hai magar usey apne premi (lover) ki yaad ab bhi bahut aati hai.. and wo kya sochti hai har pal har mausam mein yeh batane ki ek chhoti si koshish hai.. please bataiyega ki kya main thik se likh paayi?? Usual Smile

jhonkaa hawa ka aata hoga ab bhi,
dil ko tumhare chhu jata hoga ab bhi..

kahin koi awaaz meri sunte ho kya?
aahat se man machal jata hoga ab bhi..

maine do pal ruk ke socha tha, kya?
naam mera yaad aata hoga ab bhi..

kitne achhe pal woh beete, hai na?
man geet koi gungunata hoga ab bhi..

kab dhoop khili ya sham dhali, kyun?
waqt yun hi guzar jata hoga ab bhi..

koi shaqs mile raahon mein mujhsa, toh?
chehra mera dhundhlata hoga ab bhi..

yeh kaise pal hain, yeh mahaul hai kya?
har pehar thehar jaata hoga ab bhi..

kya sirf meri yaadon mein ho tum?
ya tum bhi gumsum rehte ho mujh mein?
kya sirf meri aankhein yeh nam hain?
ya tum bhi palkein bhigote ho ghum mein?

yeh sawaal mere hain tumse, bolo..
kuch yaad tumhe bhi aata hoga ab bhi..

hua arsa jab biccharhe the hum tum..
par dil ka ghum sehlata hoga ab bhi...


	Logged

Similar Poetry and Posts (Note: Find replies to above post after the related posts and poetry)
	SAWAAL TUMSE HAI. by SURESH SANGWAN in Occassion Specific Poetry « 1 2 All »
	Muhabbat ka dawa karte hain - sawaal kehte hain by CIC in Shayri-E-Dard « 1 2 All »
	kayi raaz khuli kitaab se hain..charan. by lovely_charan in Miscellaneous Shayri
	kabhi uljhan si sulajhti hai jab hote hain unki baahon mein.. charan.. by lovely_charan in Shayri for Khumar -e- Ishq
	koi nari ki izzat ki parwah karta mere khuda.. charan by lovely_charan in Miscellaneous Shayri

~Hriday~

Poetic Patrol
Mashhur Shayar

Rau: 115

Offline

Gender: Male

Waqt Bitaya:
101 days, 3 hours and 51 minutes.

kalam k chalne ko zamaana paagalpan samajhta hai.

Posts: 16243
Member Since: Feb 2010

Re: yeh sawaal mere hain tumse, bolo.. charan..

«Reply #1 on: December 27, 2012, 08:01:10 AM »

bahut khoob.. jitni taarif ki jaaye kam hai.. sach me aapke is rachnaa me ek sachchi feeling nazar aa rahi hai.. bahut bahut bahut khoob likha hai aapne Lovely ji...

ye padh ke wo premi shayad kuch is tarhaa se jawaab degaa....

hawaa ke har jhaaunke se ab bhi tumhaari mehek hi aati hai
tumhaare diye laal gulaab se ab bhi mohabbat muskuraati hai

dekh ke tumhaari tasveer ko, tumhaari yaad bahut aati hai
tasveer ko naa dekhun agar main, tab bhi yaad sataati hai

bachchon ke khilkhilaane ki aawaaz ab nahi mujhe raas aati hai
phoolon se rang ude huye hain, is aangan me bahaar nahi aati hai

tumse judaa ho ke main, ab bhi judaa nahi ho paayaa hoon
sab ke bich me hi rehtaa hoon par tumhaari judaai tadpaati hai

bhoolaa nahi hoon ek lamha bhi main ab tak, sab kuch mujhko yaad hai
yaad tumhari seene me hain, kabhi kabhi aansoo ban ke nikal aati hai...

*****HRIDAY*****


	Logged

saahill

Mashhur Shayar

Rau: 86

Offline

Waqt Bitaya:
147 days, 19 hours and 41 minutes.
Posts: 18617
Member Since: Jun 2009

Re: yeh sawaal mere hain tumse, bolo.. charan..

«Reply #2 on: December 27, 2012, 08:30:36 AM »

waaah waah waah charan ji very nice very impresive


	Logged

lovely_charan

Guest

Re: yeh sawaal mere hain tumse, bolo.. charan..

«Reply #3 on: December 27, 2012, 09:26:12 AM »

Quote from: ~Hriday~ on December 27, 2012, 08:01:10 AM

*****HRIDAY*****

aapka bahut bahut shukriya hriday ji.. thanks a lot.. reply is simply beautiful..
kuch aisa dil kehta hai mera isey sochkar:

shayad yahi dil unka bhi kehta hoga..
jo door desh mein kahin rehte hain..
kaanta virah ka unhe bhi chubhta hoga..
jo phool se komal pal sehte hain..

haan, kabhi kabhi man gum rehta hai..
socha karti hun woh preet purani..
jab hote the swapan suhaane saare..
beet gayi vo raatein, jo thi suhani...

happy3


	Logged

~Hriday~

Poetic Patrol
Mashhur Shayar

Rau: 115

Offline

Gender: Male

Waqt Bitaya:
101 days, 3 hours and 51 minutes.

kalam k chalne ko zamaana paagalpan samajhta hai.

Posts: 16243
Member Since: Feb 2010

Re: yeh sawaal mere hain tumse, bolo.. charan..

«Reply #4 on: December 27, 2012, 09:44:00 AM »

bahut bahut shukriyaaa Lovely ji mere is jawaab ko pasand karne ke liye... aur main aapkaa tahe dil se shukriyaa adaa kartaa hoon jo aapne bhi khoobsurat saa jawaab diyaa...!!! bahut achcha likha hai aapne....!!!

beeti baaton ke andhkaar me khone se kyaa hogaa
ab tanhaayi me baith ke yun rone se kyaa hogaa
wo waqt jo beet gayaa, puraanaa, pyaaraa saa
ab un yaadon me doob ke udaas hone se kyaa hogaa

aage ki zindagi, aage ke pal bahut khoobsurat hain
yun lamha lamha tumhaare tadapne se kyaa hogaa
muskuraao, zindagi ko jee lo muskuraate huye
ghum ke andhero me muskaan chhipaane se kyaa hogaa...

*****HRIDAY*****


	Logged

sbechain

Guest

Re: yeh sawaal mere hain tumse, bolo.. charan..

«Reply #5 on: December 27, 2012, 09:46:10 AM »

Quote from: lovely_charan on December 27, 2012, 06:19:32 AM

bahut pyara kalaam............!


	Logged

ParwaaZ

Guest

Re: yeh sawaal mere hain tumse, bolo.. charan..

«Reply #6 on: December 27, 2012, 09:46:31 AM »

Lovly Jee Aadaab!

Behad khoobsurat aur touchi ahsaas O khayaal bayaaN kiye haiN
aapne.. bahut khoob jee...

Sabhi ashaar khoob rahe...
Humari dheroN dili daad O mubbarakbad kabul kijiye...

Aapki yeH kalam padhkar humari aik puraani kalaam yaad
aa gayi... aapse share kar rahe haiN...

Likhate rahiye... aate rahiye...
Shaad O aabaad rahiye...

Khuda hafez...

Tanhai tum ko sadaye meri sunaati to hogi Naa
Jaanaa tum ko bhi yaad meri aati to hogi Naa

Hijar ki aisi raateN tujh ko sataati to hogi Naa
Tasveer meri seene se tum bi lagaati to hogi Naa

Tujhsa kisi ko jaan kar maiN ruk saa jataa huN
Tum bhi kisi ko maiN samjhkar ruk jaati to hogi Naa

Purwaaiyaa se aksar tujhko maiN sandese deta huN
BaateN meri hawaayeN tum ko sunaati to hogi Naa

Sawaan ke is mousam meiN mann bhar bhar aata hai
Barish ki rim jhim bunde dil me aag lagaati to hogi Naa

KhaaboN ko tere maiN to har pal palkoN pe rakhta huN
Tum bhi Jaana tabeereN meri aksar sajaati to hogi Naa

Waadaa hai tujhse aakhri yeh mera maiN laut kar aauga
Iss waada ke itebaar pe tum ruth ruth jaati to hogi Naa

Tum ko yaadeN khush mijaaz e maazi aati to hogi Naa
Yaad kar kar ke tum bhi unko muskuraati to hogi Naa


	Logged

lovely_charan

Guest

Re: yeh sawaal mere hain tumse, bolo.. charan..

«Reply #7 on: December 27, 2012, 09:51:17 AM »

Quote from: saahill on December 27, 2012, 08:30:36 AM

waaah waah waah charan ji very nice very impresive

thank you very very much saahill ji.. Usual Smile


	Logged

sksaini4

Ustaad ae Shayari

Rau: 853

Offline

Gender: Male

Waqt Bitaya:
112 days, 8 hours and 51 minutes.
Posts: 36414
Member Since: Apr 2011

Re: yeh sawaal mere hain tumse, bolo.. charan..

«Reply #8 on: December 27, 2012, 09:59:46 AM »

bahut khoob par beech men 4 lines ghazal ke track se hat gayee hain baqee bahut badhiya


	Logged

lovely_charan

Guest

Re: yeh sawaal mere hain tumse, bolo.. charan..

«Reply #9 on: December 27, 2012, 10:23:15 AM »

Quote from: ~Hriday~ on December 27, 2012, 09:44:00 AM

*****HRIDAY*****

bahut hi khubsurat umeed se bhara jawaab aapka aaya.. mujhe khushi huyi hriday ji..

yeh mushkaan main chhupati nahi..
ab guzre ateet mein jaati nahi..
mere pal ab hans kar hi guzarte hain..
bin wajah maagar ab bhi muskurati nahi..

kuch yaadein sang rehti hain, purani..
unko bhula nahi sakti, meri nadaani..
ab sapne rehte hain manzil ke meri..
yeh yaadein ab bhi aati hain par, bemaani..


	Logged

nandbahu

Mashhur Shayar

Rau: 122

Offline

Gender: Male

Waqt Bitaya:
20 days, 4 hours and 11 minutes.
Posts: 14553
Member Since: Sep 2011

Re: yeh sawaal mere hain tumse, bolo.. charan..

«Reply #10 on: December 27, 2012, 11:04:21 AM »

bahut khoob


	Logged

~Hriday~

Poetic Patrol
Mashhur Shayar

Rau: 115

Offline

Gender: Male

Waqt Bitaya:
101 days, 3 hours and 51 minutes.

kalam k chalne ko zamaana paagalpan samajhta hai.

Posts: 16243
Member Since: Feb 2010

Re: yeh sawaal mere hain tumse, bolo.. charan..

«Reply #11 on: December 27, 2012, 11:31:13 AM »

bahut khoob Lovely ji...!!!

Quote from: lovely_charan on December 27, 2012, 10:23:15 AM


	Logged

lovely_charan

Guest

Re: yeh sawaal mere hain tumse, bolo.. charan..

«Reply #12 on: December 27, 2012, 03:46:21 PM »

Quote from: Sheba on December 27, 2012, 09:46:10 AM

bahut pyara kalaam............!

aapka bahut bahut shukriya sheba ji


	Logged

lovely_charan

Guest

Re: yeh sawaal mere hain tumse, bolo.. charan..

«Reply #13 on: December 27, 2012, 03:50:47 PM »

Quote from: ParwaaZ on December 27, 2012, 09:46:31 AM

wah ji bahut hi pyari ghazal share ki aapne... thanks a lot ..

dil se tareef karne k liye dil se dhanyawaad ji.. Usual Smile

Quote from: sksaini4 on December 27, 2012, 09:59:46 AM

bahut khoob par beech men 4 lines ghazal ke track se hat gayee hain baqee bahut badhiya

thank you very very much sir, these 4 lines are actually ques m asking to the person who has left.. so alag hain.. aapki saraahna ke liye bahut bahut dhanyaqaad sir.. Usual Smile