aankh se jab tu mere dil mai.N uter aata he

Aaankh se jab tu mere dil mai.N uter aata he
Her taraf dil mai.N tera chehra nazar aata he

Rooshni yaad ki seene pe uter te kab he
Chaand dharti pe mere dil ki uter aata he

Main tu gir jata kahin rooh ki gehrai mai.N
ye mera yaar he jo beech mai.N der aata he

Aik jalwe se kare saa.Nkrdoo.N jalwe paida
Yaar-e-yakta ko mere aisa hunaer aata he

Main akela hoo.N mere zakhm rafo ho kaise
Zakhm dekhoo.N tu mujhe zakhm se der aata he

Mere hujre mai.N nahi.N cheez koi khaak siwa
Yaa.N mujhe milne ko wo noor-e-nazar aata he

                               Qitta

Ik hatheli pe dhara hoota he saamaa.N mera
Aik muthi mai.N mera rakht-e-safar aata he

Na safar ka hi mujhe koi sila milta he
Na mere haath wasila-e-zafar aata he

Aabyaari ko mere nehr na darya koi
Aik badal he jo barsaat mai.N ghir aata he

Ghoomta hoo.N tere dunyaa mai.N faqiroo.N ki tarah
Kasa sai ka faqat mujh ko hunar aata he

Shooq rakhta hoo.N bohut saghar-o-maye se lekin
Jaam hisse mai.N mere kam he mager aata he

Jaal-e-ilyaas bhi daloo.N tu na nikle moti
Wo muqaddar he ke kooshish se bhi dar aata he