Aashaon ke deep jale hai

Aashaon ke deep jale hai
Aaj toh roko Taiz hawayen
Kitni mushkil se aati hai
Yaadein unki bhatak na jaye
…………………….......................

Aankh mein veerano ki mehfil
Suna panghat, suney lamhe
Maan mein ghaant jo bandh gaye thea
Dheere dheere khulne laga hai
Tum keh ke gaye thea saath rahoge
Umeed ka suraj dubney laga hai
Ek baar sajan tum hans do badal mein
Hum ko bhi ehsas ho tum ho
Kala samundar bhuuk se vyaakul
Dekh raha hai aankh beechaye
Kashti ka patwaar nahi hai
Aur sajan tumhe kya samjhaye
….....................................
Aashaon ke deep jale hai
Aaj toh roko Taiz hawayen
……………………………

Raat to parvat ki fungi par
Aakar jaise thum hi gaya hai
Subah bhi kaale shaam bhi kaale
kaala sa kuch jum hi gaya hai
tum aao to aaye savera
bandh bahon ka khul jaye ghera
maan ka panchee tod ke pinjara
bole saara aalam hai mera
humne ruuh se cheen ke dhadkan
teri rahon pe chod diya hai
tum jub aaoge to samet lana
tum bin jeena humko nahi bhaye

……..........................................
Aashaon ke deep jale hai
Aaj toh roko Taiz hawayen
Kitni mushkil se aati hai
Yaadein unki bhatak na jaye

shukriyaaa