Aks khushboo ka...

Aks khushboo ka liye gulzaar main aaee thi
Zindagee kis shouq say khumar main nahaee thi

Ghata ka ghana saya mausam ka asar nahin
Mere mehboob nay zulf piyar main bikhraee thi

Humain to bithata hay zamana palkon pay raat din
bus teri hee hasti sansaar main her-jaee thi

Door kahin pariyon kay dermiyan dil ki basti
Muddat hui hay tere piyaar main banaee thi

Aatish-e-ishq main jalnay kay liye zinda rahay
Baqi hasraton ki nigah-e-ashkbaar main rasaee thi

Der haqeeqat jana junoon-e-mohabbat tere piyar main
Judaee her ghari her war main gehraee thi

Ab to mutma-in hay chandni ru ba ru pa kay
Pehlay to kis qadar aabshaar main tanhaee thi

Dair say sahi aaye to sahi kernay gilay tum
Daikh lo yeh qabar intizaar main banwaee thi

Teen lafzon pay mushtamil hua faqat afsana-e-ishq
Is say aagay bay kaar main ruswaee thi

Lagta hay shaiki kay rang titliyon say chura ker
Mehek lee kali say yaar main basaee thi