Apne chotte se ghar ki chatt...Raaj

Mana ki tumhare liye bahut kuch nahi kar paunga,
Par hai kuch to khas jo tumhare liye jarur kar sakta hoon main.

Bahut laadon se pali ho tum janta hoon main.
Mana ki tumhari sabhi khwahishein puri karne ki meri haisiyat nahi,
Par apne sapne tumhare naam jarur kar sakta hoon main.

Tumhare labon pe muskurahat kitni haseen lagti hai pucho jara mujhse.
Mana ki tumhe wo tamam khushiyaan na de paun jo tumne apne liye sochi hai.
Par apne naseeb se iklauti khushi bhi tumhe jarur de sakta hoon main.

Koi shak nahi k pari ho tum jise baadlon me udna pasand hai.
Mana ki tumhari udaan ko pankh lahi de sakta main,
Par apne dil me khuda ki tarah jarur rakh sakta hoon main.

Tumhe apne sapno ke raj kumar ka intjar hai jo tumhe jannat tohfe me de sake.
Janta hoon main meri aukat nahi oonche-2 mehal tumhe dene ki,
Par apne chotte se ghar ki chatt aur mehnat se kamayi do waqt ki roti jarur de sakta hoon main.

bahut khoob

wa hwa hwah wah wah wah bahut hi lajawab umda kalaam bahut hi khubsurat rachna dhero daad aur mubarak baad