Ay yaar! kab kisi ka buraa chaahta hooN maiN.

Ay yaar! kab kisi ka buraa chaahta hooN maiN.
Sab ki khushi sabhi ka bhalaa chaahta hooN maiN.
========================================

Tere sivaa kuchh aur nahiN dil ki aarzoo,
Sab kuchh ye hi hai teri rezaa chaahta hooN maiN.
========================================

Jazbaat mere dil meN machalte haiN kya karooN,
Kaise bataaoN tujh se ke kyaa chaahta hooN maiN.
========================================

Dekha hai jab se tujh ko lagaa hai ye dil ko rog,
Tujh se hi dard e dil ki davaa chaahta hooN maiN.
========================================

Shaayad teri naZar meN meraa ishq jurm ho,
Ye jurm hai to is ki sazaa chaahta hooN maiN.
========================================

Detaa na dil tujhe to na kehtaa kabhi ye baat.
Karta hooN jo wafaa to wafaa chaahta hooN maiN.
========================================

Dil se zubaN pe bas yehi aati hai aik baat,
Bas tu hai jis ko had se sivaa chaahta hooN maiN.
========================================

Haider kuchh aur dil meN tamanna mere nahiN,
Apni mohabbatoN ka silaa chaahta hooN maiN.

  waah waah bahut khoob