Balam kee nagariyaa na jaauungee, guinyaan!:Shayri for Khumar -e- Ishq

abdbundeli

Guest

Kanhaiyaa ko apney, rijhaauungee, guinyaan!
Balam kee nagariyaa na jaauungee, guinyaan!

Hawaaoun sey wo roz sandesh bheyjey!
Fazaaoun key qaasid khuley khat dikhaayen!!
Ghataaoun sey wo roz sandesh bheyjey!
Bijuriyaa key deepak, ishaaroun bulaayen!!

Bansuriyaa bajaayegaa jab baith chhaliyaa;
Jamun mein akeylee nahaauungee, guinyaan!
   Balam kee nagariyaa na jaauungee, guinyaan!

Mayuuree kareygee agar sirf ghuuraa;
Kachhaaroun mein naacheygaa fir-fir mayuuraa!
Churaa kar chunariyaa sataayegaa rasiyaa;
Chhirhaa raag man kaa, tabhee hogaa puuraa!!

Kasak eik lamahey mein kaafoor hogee;
Kachhaaroun mein, fir-fir bulaauungee, guinyaan!
   Balam kee nagariyaa na jaauungee, guinyaan!

   - abd bundeli


	Logged

Similar Poetry and Posts (Note: Find replies to above post after the related posts and poetry)
	paagal Balam by Ruhaani in Mazahiya Shayri(Funny Shayari)
	Raat pyaaree hai: pyaarey balam ghar aa!! by abdbundeli in Shayri for Dard -e- Judai « 1 2 3 4 All »
	Aaj Holi hai pyaaree! Balam aa gaye!! by abdbundeli in Occassion Specific Poetry « 1 2 All »
	Wafaa ki qasam khaatey hee, milaa hai balam harjaayee! by abdbundeli in Ghazals « 1 2 All »
	ab ke balam jee by vimmi singh in Shayri for Dard -e- Judai

cara

Guest

Re: Balam kee nagariyaa na jaauungee, guinyaan!

«Reply #1 on: August 07, 2009, 02:36:18 PM »

KYA BAAT HAI ABD JI......

BALAM SANG NA JAAOUNGEE MAIN TOH,
APNEY MOHAN KO RIJHAAOUNGEE MAIN TOH.

HAWAAOUN SE ROZ KARE ISHARA MOHE,
BAANSURI BAJAAEY KHATIR MOHE.

JAMUNA KINARE DEKHEY RAHA MORI,
JAMUNA MAIN JAAOUN, NAHAANE KE BAHAANEY MEIN.

BAANSURI BAJAAEY JAB KRISHNA KANAIYA,
MAN NACHAT-GAAVAT BIN, NA RAHE PAAEY RE.

BALAM SANG NA JAAOUNGEE MAIN TOH,
APNEY MOHAN KO RIJHAAOUNGEE MAIN TOH.


	Logged

abdbundeli

Guest

Re: Balam kee nagariyaa na jaauungee, guinyaan!

«Reply #2 on: August 07, 2009, 03:37:23 PM »

Quote from: cara on August 07, 2009, 02:36:18 PM

Thanks cara! Aur, bahut khoob!

Jab saajan hai eik hee,
Kaisey wahaan na jaaun?
Jahaan kahey wo, mein waheen
Aauun aur nahaaun!!

- 'Ramwatiya'


	Logged

deepika_divya

Guest

Re: Balam kee nagariyaa na jaauungee, guinyaan!

«Reply #3 on: August 07, 2009, 04:53:03 PM »

So beautifully Written Abd ji.. bahoot bahoot kamaal ka likha hai .. Mazaa aa gaya pad k.. Usual Smile

Cara ji aapne bhi wakai khud likha hai Usual Smile


	Logged

abdbundeli

Guest

Re: Balam kee nagariyaa na jaauungee, guinyaan!

«Reply #4 on: August 07, 2009, 05:16:44 PM »

Quote from: Sophi on August 07, 2009, 04:53:03 PM

So beautifully Written Abd ji.. bahoot bahoot kamaal ka likha hai .. Mazaa aa gaya pad k.. Usual Smile

Cara ji aapne bhi wakai khud likha hai Usual Smile

Shukriyah! Sou baar shukriyah, Sophi ji! Mujhey waaqiyi bahut khushee hai, ki, 'yoindia' mein, aisey log bhi hain, jo aaj bhi aisey geetoun ko pasand kartey hain!
- abd bundeli