barsaat see chali aati ho

Khilkhilati dhoop mein barsaat see chali aati ho,
Tum din ke ujale mein chandni raat see chali aati ho,
Mere dil kee veeran padi sadkon pe,
Tum gaati bajati baaraat see chali aati ho,

Andheron mein jhilmilate sitaron see chali aati ho.
Tum patjhad mein baharon see chali aati ho,
Hone hee nahin deti mujhe kabhi tanha,
Tum saze hue bazaron see chali aati ho,

Raat mein purani yaad see chali aati ho,
Tum har dua mein fariyaad see chali aati ho,
Likhta hoon jab bhi kuch naya,
Tum har sher pe daad see chali aati ho,

Holi pe abeer aur gulaal see chali aati ho,
Diwali pe deepon ke thaal see chali aati ho,
Manata hun roz tyohaar ab main,
Tum har din naye saal see chali aati ho.....

 
bahut khoob

thanx suman jee..

thanks sheba jee...