Bathen Karengey

Baithe baithe
Apne chote se kamre main
Main ek tasveer banati hoon
Ke hum sidiyon pe milenge
Mere haath main ek kitaab hogi
Chasma naak se khisak raaha hoga
Aachanak se aakar Tum kahogey
“Arrey, Tum yahamn kya kar rahi ho ?”
Main,
Chashmen ko bina peche kare,
Kitab uthake,
Tumhe dikhake,
Aakhe badi kardoongi.
Tum hass kar pass baith jaogey.
Aur hum Baathen karengey.

Baithe  baithe
Aapne gulabi kamre main
Main ek tasveer banathi hoon
Ke hum aanewale ek party main milengey
Main khadi hoougi, bheed ke beech main,
Mere haath main shayad ek glass hoga,
Mujhe pata hai ke
Tum yahan ho
Tumhe pata hai ke
Main yahaan hoon
Tum baathen kar rahegey ek bahut hi khoobsurath ladki ke saath.
Main tum dono ko dekhkar jalungi.
Phir tum mere pass aaogey
Aur hum baathen karengey

Baithey baithey
Apne chote gulabi kamre
Main ek tasveer banathi hoon kabhie ek purane tasveer ke sahare
Ke bahut saare kaam ke beech main
Hum milengey.
Main bhi kaam main uljhi,
Tum bhi kaam main uljhey
Tum kahogey
“Mera din bahut bora tha,
Main bahut thak gaya hoon”
main kahoongi
“Kal achcha hoga”
Aur hum baathen karengey.

It clicked a smile on my face.
Fabulous indeed.