Bosa

Bosa
by mazHur


tum ne poocha he haal mausam ka
khil utha he gulab phir ghum ka.

choom laine do qeemati moti
ye khazana hein chashme pur num ka.

kal ka waada baja sahi laikin
aaj mil lo pata nahi dum ka.

zakhm gehra jo ho toe seete hien
ishq mein kaam kia he marham ka.

saamp se khailne me khatra he
saamp duss le na zulf-e-barham ka.

Eid ka chand  he kamaan soorat
yoon kham-e-abroo-e-sanam chumka.

Kaisa na shukra he sanam mera
lakh bosoan pe he gila kam ka
,,,,,,,,,,,,,,oOo................

Madhu,
Dhanevad!


The long and short of Accounting:

Universal Rule:
Aik bosa hum ko debit keejeeay
ya hamara dil credit keejeeay!