Dar junoon-e-ishq kaar-e-dil khiradmandaana hai.

Dar junoon-e-ishq kaar-e-dil khiradmandaanah hai.
Shama jalti ho to jaaN baazi rah-e-parvaanah hai.
======================================

Saaqiysh! iske sivaa maiN jaanta kuchh bhi nahiN,
Shehr meN teri gali or bas tera may khaanah hai.
======================================

Log aayeNge chale jaayeNge may noshi ke ba'd,
Raunaq e maHfil rahega woh ke jo mastaanah hai.
======================================

Arsh se Takraati hai TooTe huve dil ki Sadaa,
Barq o baaraN sab jawaab e naala e deewaanah hai.
======================================

Pochh leta hoN sokoot o Sabr ke daaman se ashk,
Woh kare kis se gilaa apnoN me jo bagaanah hai.
======================================

Ab nigaah e lutf is beemaar par ho bhi to kya,
Aik muddat se to dil TooTa huwa paimaanah hai.
======================================

Jis ko karna ho yaqeeN aa kar Haqeeqat dekh le,
Ba'd mere qiSSa e ishq o wafaa afsaanah hai.
======================================

ChhoR kar Haider ye basti chal su e Sahraa shitaab
Ba'd e majnooN bin tere Sahraa huvaa veeraanah hai.

Ghazal pasand karne k liye tashakkur
"Ghulam Haider"