Ghazal.....GHazal..........Ghazal

Koi shai kaise use aaraam de.
Be qaraari ka jise dil kaam de.
============================

Aa gaye maHfil meiN teri saaqiyah!
Laakh ab duniya hameN ilzaam de
============================

Dil nahiN bharta sharaab e i'shq se,
Jaam e ulfat hamko subH o shaam de
=============================

Laz'z'at e sheereeni e mai kam na ho,
Bosa e lab jald ai gulfaam ! de.
=============================

KyoN nahiN nisbat koi tujh se hameN,
Ho hamaara naam, koii naam de.
=============================

Gar nahiN aati zubaaN par dil ki baat,
Apni aaNkhoN se hi kuchh paighaam de.
=============================

KheeNch laaye phir teri ulfat yahiN,
koi aisa kaam sar anjaam de.
==============================

Ham to Haider kuchh talab rakhte nahiN,
Jo bhi de laa gardish e ayyaam de.

muntazir hain muntazir hain muntazir hain
mera hone ka sabab tu koi paigam de

                           -sg-

bohat khoob haider saheb aapki kalam me bohat mithassssssssss hain

Aap ka zouq qaabil-e-daad hai janaab.
Nacheez ki ghazal pasand karne k liye Shukriya

Aap ki daad har haal meN qubool karni parhegi. Aap se dar jo lagta hai .... ha ha ha.....

("Kisi ka husn o jamaal o kamaal us ke liye,
Meri nigaah meN insaaniyyat ki qeemat hai.
Mere shuo'or ka me'yaar hai duroon-e-bashar,
Jo dil ho saaf to insaan paak teenat hai.)
Mujhe aap ki shakl se nahiN, Aap ke haathoN meN jo hathiyaar hai us se dar lagta hai.

MaiNe bhi to aap se lutf andozi ke liye mizaah kiya tha.
lekin mere aha'ar ko mizaah na samajhna.

Insaan shakl se khoobsoorat ho to sirf nazroN ko achha lagta hai, lekin agar saath saath achhe kirdaar wala ho to dil ko bhi achha lagta hai

Aap ka khuloos o mohabbat hai
behad shukriya.

Aap ki baat kaafi had tak sahih hai, lekin...
duniya ke saare insaan aik jaise nahiN haiN. Un ke darmiyaan farq hai.ye farq do tarah ka hai zaaheri aour baateni(jo ke amal se zaahi hota hai). zaaheri farq shakl o soorat qad o qaamat zubaan...ka hai.Baateni farq ilm o adab, akhlaaq, mua'amelaat ka hai. In meN se kuchh farq woh haiN jo allah ne rakhe haiN aour kuchh farq woh haiN jo insaan khud apne andar paida karta hai.hameN un furooq meN bolne ka haq nahiN jo allah ne rakhe haiN. Jaise Shakl o soorat, Qad o qaamat, Zubaan...wa ghairah.Ham agar kisi ko achha ya bura kaheN to us ke Ilm, Adab, Akhlaaq, A'adaat, aour tamaam un mua'amelaat ki bina par jo woh doosroN ke saath karta hai.Har insaan se(Un shakhsiyaat ko chhorh kar,jinheN allah ne ma'soom banaya hai)khata ka imkaan hai ab chahe wo kisi ka bhaai ho ya baap. behn ho ya maaN. Adl aour aql ka taqaazah ye hai ke insaan qanoon ko na badle chahe baat apni ho ya apne ki ho ya paraaye ki.Aour ye baat k apne maaN baap sab ko pyaare lagte haiN us waqt tak sahih hai jab tak wo insaaf se kaam lete haiN. Agar maaN/baap aowulaad ke haq meN na insaafi kareN ya aowlaad maaN-baap ki itaa'at na kare(aour aisa hota bhi hai)to bura lagat hai. Aaj hamare samaaj meN jo buraaiyaN haiN, ikhtelaafaat haiN, wo kahaN se aaye. Saaf zaahir hai ke achhe log bhi haiN aour bure bhi. na saare maaN-baap aik se hoto haiN, an aowlaad. aour na saare maaN-baap apni aowlaad ko aik nazar se dekhte haiN na aowlaad. Har insaan ki apni nazar hai apni fikr hai.
To janaab baat toolani ho gai. ma'zerat chaahta hoN lekin kis nazar se insaanoN ke darmiyaan khoobsoorati aour badsoorati ko dekhna hai ise samajhna zuroori hai.