haath uthate haiN teri zulf pe ruk jaate haiN (zarra)

jaan rukhsat ki har nafas se hai dua maaNge
dil hai ki saath tere sirf ik lamhaa maaNge
(nafas = breath)

haath uthate haiN teri zulf pe ruk jaate haiN
tum hi batlaao koi kis tarah dua maaNge

khud ki kismet pe yakaayak na yakeeN aayega
koi unse bhi kaho humko ik dafaa maaNge
(yakaayak = all of a sudden)

tere dariya-e-ashq meiN na doobanaa manzoor
phir tere dasht-e-berukhi ka aasraa maaNge
( dasht = wasteland)

ab kya maaNgeNge aur kis tarah se maaNgeNge
n bachee aarzoo aur dil n wo bachaa maanGe

tumne maaNga hi nahiiN kucchh bhi siwaaye iske
roothane ki teri aadat ye manaanaa maaNge

tumse jaanaa ki maraasim ke maayne kya haiN
ab sabhi se hi kaheiN wo bhi ye balaa maaNge
(maraasim = loving relationship)

shukriya madhuwesh ji. Apne itne dil se tareef ki.