Hume tumse kuch kehna he.....

Suno! Ik baat kehni thee
Hamen tum say kai din say

Buhat chaaha tha k keh dain
Magar kuch keh nahi payay
Or ab khud ko buhat roka
Magar hum reh nahi payay

Tumhen maaloom hay na k
Akelay thay jahaan main hum
Yoonhi may k piyaalay say
Bhula letay thay saaray ghum

Phir ik din tum mili hum ko
Kisi chatting k kamray main
Tumhen achhi lageen theen kuch
Hamaari gham-zida  nazmen

Yoonhi har raat ghanton tak
Na baaten khatm hotee theen
Na din dhaltay they jaldee say
Na raaten khatm hotee theen

Hamen achha laga jag main
Koi apna saa lagta hay
Jo ab sochen kabhi wo din
Tu ik sapna sa lagta hay

Zara mushkil hay kehna par
Hamen achhi lagi thee tum
Agarche chand baaton main
Zara hum say bari thee tum

Magar phir yoon huva tum ko
Achaanak kho diya hum ne
Tumhaari yaad aatee thee
Tu aksar ro diya hum ne

Tumhen gar ho yakeen hum par
Har ik lamhaa taraptay thay
Gayay waqton ka har ik pal
Har ik pal yaad kartay thay

Hamen ik baat kehni thee
Jo tum say keh nahi payay
Mili ho tum dobaara jo
Tu ab hum reh nahi paayay

Tumhaaray saath har ik pal
Hamen jeenay ki hasrat hay
Jahaan bhe tum ho, jaisi ho
Hamen tum say mohabbat hay
Hamen tum say…

NM