Humhari Neend Gai Na Humhara Khwaab Gaya

Humhari Neend Gai Na Humhara Khwaab Gaya
Lahu Zameen Ki Chaati Mai Be Hisaab Gaya

Jagaaye Neend Se Har Subh Ek Umeed Nai
Haraik Shaam Gumaan, Arsa E Azaab Gaya

Zara Se Jabr Se Daaman E Zabt Choot Gaya
Tamaam Umr Ka Jo Kuch Tha Iktesaab Gaya

Lagaau Ghoote Ke Tahra Huva Samandar Hon
Mere Wajood Ki Maujon Ka Izteraab Gaya

Nai Ruton Pe Mai Ankhein Lagaye Baitha Hon
Gai Ruton Mai To Musam Bahut Kharaab Gaya

Woh Jiske Baare Mein Soocha Na Tha Kabhi Humne
Hamare Haath Mein Dekar Wahi Gulaab Gaya

Woh Aayina Tha Mujhe Padh Raha Tha Barson Se
Woh Mere Haath Mein Dekar Meri Kitaab Gaya

Zarooraton Ne Tera Sar Jhuka Dya Shayed
Tere Lahu Mai Jo Barpa Tha Inqelaab Gaya!

Mai Jab Se Aaya Hon In Surajon Ki Mahfil Mai
Sukhanwari Ka Jo Dawa Tha Maahtaab Gaya..............................nm

awesome word waheed
  keep writing

unforgetbale simran
~~~~~~~~~~~~~~~~~~

wowwwww nice one waheed!!!!!

 :D

Bohat khoob Waheed...........................