Ishq ki baahon me jabse rahne lage hain

Ishq ki baahon me jabse rahne lage hain
ishq ko saanson me tabse bharne lage hain


Kaisa jaadu hai unka,sapno me aane ka yun
Khwaab din me bhi humko aane lage hain


Unke milne se haasil hua ye hai yaaron
Khud se hum bhi ab aksar milne lage hain


Unko dekha nahi hai,unkojaana nahi hai
Phir bhi apno me shamil karne lage hain


Baat karte hain jab, apne logon se wo
Zikr hamara bhi kyun chalaane lage hain


Khushamad auron ki karte hain yun to jibhar
Dard me apne humko hi bulaane lage hain


Milte hanske wo sabse,baat sunte wo sabki
Bole kuchh bhi jo hum,uthke jaane lage hain


humko apna jo koi,kah de to unko dikkat
haq aisa bhi dekho jataane lage hain


poochha aayine se jab,'Kaash' hasne ka sabab
malum humko chala, wo aazmaane lage hain

bahut khoob.....