Jaan abhi baaki hai

Harr dua me tera saath maanga hai rab se,
Harr shiddat me tera pyaar maanga hai rab se,
Ek muddat se maine sanjoya hai harr khwaab tera,
Un khwabo me tujhe chhoone ki pyaas abhi baaki hai.

Yun to tujhe yaad karne ka kabhi hisaab na aaya,
Tu nahi maine inhe har mod pe apna humsafar paaya,
Teri yaadon me khoye nazane kitni beet gai raaten,
Sulale apni baahon me ke meri neend abhi baaki hai.

Mujhe harr nazar me teri parchai nazar aati hai,
Harr shaks me mujhe teri surat nazar aati hai,
Tune bhi sawarte dekha hoga khudko kai baar,
Pooch apne aaine se, tere aks me meri aah abhi baaki hai.

Kis kadar mohabbat ki hai tujhse ye bata na saka,
Dil ke harr zarre se chaha tujhe ye jata na saka,
Yun to meri maut me tune koi kasar na chhodi,
Aazma lena fir bhi ke is jism me thodi jaan abhi baaki hai..

uffff lajawab dard samette hain in alfaaz main aap ne,...
bohat bohat c daad,........

Bahot achaa likha hai aapne..

wah wah