-----/// Kaafi hogaa ///----- Hriday:Shayri for Khumar -e- Ishq

~Hriday~

Poetic Patrol
Mashhur Shayar

Rau: 115

Offline

Gender: Male

Waqt Bitaya:
101 days, 3 hours and 51 minutes.

kalam k chalne ko zamaana paagalpan samajhta hai.

Posts: 16243
Member Since: Feb 2010

samajhte hain woh hamaaraa dil unke shringaar pe aayaa hai
kyaa bataayen unki saadgi ne humein deewaanaa banaayaa hai

paas aane ke liye har bahaanaa kaafi hogaa
dil lubhaane ke liye sharmaanaa kaafi hogaa

dhadkanein tez karne ke liye kyaa chaahiye
aa ke baahon mein simat jaanaa kaafi hogaa

baarish ke liye baadal ki kyaa zarurat hai
aankhon mein kaajal lagaa lenaa kaafi hogaa

parchhaai khud hi apnaa raastaa dhund legi
sirf tumhaaraa saath nibhaanaa kaafi hogaa

qatl karne ke liye khanjar ki kyaa zarurat
tumhaari nazar ko jhukaa lenaa kaafi hogaa

tasveer khoobsurat koi ban jaaye apne aap
tumhaaraa saamne baith jaanaa kaafi hogaa

kisi ko shaayar banaa de aankhein tumhaari
sirf tumhaaraa nazar aa jaanaa kaafi hogaa

nashey ke liye ab sharaab ki kyaa zarurat hai
bas tumhaaraa kareeb aa jaanaa kaafi hogaa

mohabbat kisi saadhu ko bhi ho jaaye tumse
pyaar se tumhaaraa muskuraanaa kaafi hogaa

*****HRIDAY*****


	Logged

Similar Poetry and Posts (Note: Find replies to above post after the related posts and poetry)
	KAAFI HAI....................................................AB by adil bechain in Miscellaneous Shayri « 1 2 All »
	Dil hi kaafi hai fakat ... by diya786 in Shayri-E-Dard
	Dilbar hi kaafi hai...R... by brokenbyluv in Shayri for Khumar -e- Ishq « 1 2 3 4 All »
	-----/// Tumhaaraa muskuraanaa kaafi hai ///----- Hriday by ~Hriday~ in Shayri for Khumar -e- Ishq « 1 2 All »
	-----/// Waqt kabhi hamaaraa hogaa ///----- Hriday by ~Hriday~ in Miscellaneous Shayri

@Kaash

Guest

Re: -----/// Kaafi hogaa ///----- Hriday

«Reply #1 on: August 29, 2013, 07:20:35 PM »

Waah bahut khoob bro! Khush rahen!


	Logged

Iqtedar

Yoindian Shayar

Rau: 24

Offline

Gender: Male

Waqt Bitaya:
11 days, 17 hours and 24 minutes.

Posts: 2382
Member Since: Mar 2013

Re: -----/// Kaafi hogaa ///----- Hriday

«Reply #2 on: August 29, 2013, 07:28:45 PM »

kya baat hai kya baat hai, bas tareef hi tareef aur waaah hi waah Applause


	Logged

aqsh

Guest

Re: -----/// Kaafi hogaa ///----- Hriday

«Reply #3 on: August 29, 2013, 07:33:20 PM »

Uffffff Hriday ji ab itni tareef meri karoge toh phir mai kuch likhe bina kaise rah sakti hoon.. isiliye aapko chota sa jawab de hi deti hoon..

Tareef karni hai toh thoda aur paas aa jaao
Labon ko bolne na do aankhon se suna jaao

Raat ki syaahi bhi mit jaaye jiski roshni se
Mere chehre ko apne labon se chamka jaao

Parchaai bankar hum rahenge sang tumhare
Gar tum apna kiya har wada aaj nibha jaao

Kya kehti hai dhadkane zara sun toh lo jaana
Taras rahi hai baanhein tum aakar sama jaao

Doob kar meri in aankhon ki masti mein tum
Apni koi achchi si ghazal humko suna jaao


	Logged

Bishwajeet Anand Bsu

Guest

Re: -----/// Kaafi hogaa ///----- Hriday

«Reply #4 on: August 29, 2013, 07:46:03 PM »

Bahut Khoob Hriday ji,,,,,,, Bahut hi heart touching hai....behtareen peshkash.. Applause


	Logged

~Hriday~

Poetic Patrol
Mashhur Shayar

Rau: 115

Offline

Gender: Male

Waqt Bitaya:
101 days, 3 hours and 51 minutes.

kalam k chalne ko zamaana paagalpan samajhta hai.

Posts: 16243
Member Since: Feb 2010

Re: -----/// Kaafi hogaa ///----- Hriday

«Reply #5 on: August 29, 2013, 07:50:38 PM »

Quote from: aqsh on August 29, 2013, 07:33:20 PM

haaye ! maar daalaa aapne to apne is jawaab se, aur bahut bahut shukriyaa aapkaa jo aapne mere is rachnaa ko waqt diyaa, padhaa aur pasand kiyaa, aur aapkaa jawaab to sone pe suhaagaa hai... bahut bahut khoob hai ji.. dil khush kar diyaa aapne... bas fir kuch lines aur likh hi diyaa maine...!!!

aao kareeb to fir duur jaa jaanaa tum
apne kiye har waade ko nibhaanaa tum

badh jaaye kabhi beqaraari is dil ki to
baahon mein bharke seene se lagaanaa tum

pyaas kabhi badh jaaye jo mere is dil ki
apne labon se pyaas ko bujhaa jaanaa tum

jaltaa ho jism jab jaade ke mahino mein
aa ke use thandak pahuchaa ke jaanaa tum

geet likhun kabhi naam se tumhaare main
apne hi hothon se us ko gungunaanaa tum

roke yeh duniyaa, bandhan ho zamaane kaa
apne kadam ko bas pichhe naa hataanaa tum

de ke thodi si mohabbat apne deewaane ko
dil ki deewaangi ko aur badhaa jaanaa tum

*****HRIDAY*****


	Logged

nishi gahlaut

Guest

Re: -----/// Kaafi hogaa ///----- Hriday

«Reply #6 on: August 29, 2013, 07:56:56 PM »


	Logged

aqsh

Guest

Re: -----/// Kaafi hogaa ///----- Hriday

«Reply #7 on: August 29, 2013, 08:13:46 PM »

Quote from: ~Hriday~ on August 29, 2013, 07:50:38 PM

*****HRIDAY*****

Waah hriday ji jawab nahi aapke bhi jawab.. superbbbbbbbb tha.. chaliye ek aur romantic koshish meri bhi

Lo aa gaye hum qareeb phir na door jaane ke liye
Tumse kiya hua har ek waada aaj nibhaane ke liye

Badhti hai beqarari is dil ki toh aur badhne do zara
Raat ka aana abhi baaki is dil ko behlaane ke liye

Hai tapish muhabbat ki dono taraf kuch is tarah
Betaab hai badal bhi aaj paani barsaane ke liye

Lag jaaye aag phir is barsaat ke mausam mein
Kah rahi saansein muhabbat ko aazmane ke liye

Tumhare har geet ko apne labon par sajaon mai
Bikheron apni har ada deewangi badhaane ke liye


	Logged

amit_prakash_meet

Guest

Re: -----/// Kaafi hogaa ///----- Hriday

«Reply #8 on: August 29, 2013, 08:27:31 PM »

बहुत बहुत खूब....ह्रदय जी....ढेरों दाद और मुबारकबाद......
Clapping Smiley


	Logged

@Kaash

Guest

Re: -----/// Kaafi hogaa ///----- Hriday

«Reply #9 on: August 29, 2013, 08:33:36 PM »

Nice chemistry Hriday and Aqsh bahut achi tukbandi ka muzayra aap dono dwara,mubarakbaad aur daad! Pls continue the rythm! God Bless!


	Logged

~Hriday~

Poetic Patrol
Mashhur Shayar

Rau: 115

Offline

Gender: Male

Waqt Bitaya:
101 days, 3 hours and 51 minutes.

kalam k chalne ko zamaana paagalpan samajhta hai.

Posts: 16243
Member Since: Feb 2010

Re: -----/// Kaafi hogaa ///----- Hriday

«Reply #10 on: August 29, 2013, 08:43:07 PM »

Quote from: aqsh on August 29, 2013, 08:13:46 PM

masssttt, zabardasssttt, raapchik, jhakkaas, mazaa aa gayaa, kyaa kehne ji kyaa kehne, bahut bahut khoob...!!! lijiye meraa jawaab bhi haazir hai....!!!

dene ke liye tumhein main gulaab laal laayaa hoon
rang dun tumhein is liye thodaa gulaal laayaa hoon

kab se chal rahaa thaa main akele is zamaane mein
ab karne ishq main aashiquon ki chaal laayaa hoon

jo tumhaare khoobsoorat se dil ko pasand aa jaaye
mohabbat kare tum se woh dil bemisaal laayaa hoon

paagal saa ho gayaa thaa, tumhaari tasveer dekh ke
usko tumhaare deedaar ke liye sambhaal laayaa hoon

kyaa laayaa hoon tumhaare liye, ab kyaa kahun tumse
kyaa rahoge umra bhar saath, yeh sawaal laayaa hoon

naa rahe koi shikaayat tumhe main karun ishq der tak
fursat ke kuch lamhein apne main filhaal laayaa hoon

*****HRIDAY*****


	Logged

ambalika sharma

Guest

Re: -----/// Kaafi hogaa ///----- Hriday

«Reply #11 on: August 29, 2013, 09:56:27 PM »

kya baat hai. love4


	Logged

aqsh

Guest

Re: -----/// Kaafi hogaa ///----- Hriday

«Reply #12 on: August 29, 2013, 09:57:12 PM »

Quote from: ~Hriday~ on August 29, 2013, 08:43:07 PM

masssttt, zabardasssttt, raapchik, jhakkaas, mazaa aa gayaa, kyaa kehne ji kyaa kehne, bahut bahut khoob...!!! lijiye meraa jawaab bhi haazir hai....!!!

*****HRIDAY*****

Bahut khooooooooooooob hridayji.. beautiful reply.. mai aapko jawaab darr darr ke de rahi hoon..

Na mujhe gulaal do na hi gulaab do
Meri aankhon ko bas apne khwaab do

Rang jaaon mai bas tumhare rang mein
Pyaar apna mujhe tum ab behisaab do

Math karo sawaal umr bhar ke saath ka
Meri wafa ka kaise doge sila jawaab do

Fursat ke lamhon mein lutakar apna pyaar
Mere labon ko apne labon se sharaab do

Mehek jaaye fiza bhi pyaar ki kushboo se
Subah aisi tum mujhe ek lajawaab do


	Logged

~Hriday~

Poetic Patrol
Mashhur Shayar

Rau: 115

Offline

Gender: Male

Waqt Bitaya:
101 days, 3 hours and 51 minutes.

kalam k chalne ko zamaana paagalpan samajhta hai.

Posts: 16243
Member Since: Feb 2010

Re: -----/// Kaafi hogaa ///----- Hriday

«Reply #13 on: August 29, 2013, 10:49:39 PM »

Main samajh saktaa hoon Aqsh ji aapki problem, magar humein darnaa nahi chahiye, hamaari life hai, aur humein poori chhoot hai use apne andaaz mein jeene ki, kisi aur ko rights q den ise dictate karne ka... ummeed kartaa hoon aap meri baat samajh rahe hain...!!!

baaki aapkaa jawaab to hameshaa ki tarhaa lajawaab hi hai... koi doubt nahi... bahut pyaaraa jawaab diyaa hai aapne...

teri hi khushboo se hum sanwar jaayenge
hum mohabbat me toot ke bikhar jaayenge

jab bhi aankh band kar humein dhundegi
hum tere har khwaab mein nazar aayenge

roshan kar mohabbat se teri duniyaa hum
har andhere ko tujh se dur kar jaayenge

cheen ke aansuon ko teri aankhon se hum
zindagi teri khushiyon se bhar jaayenge

kabhi qaraar mile to kabhi beqaraari ho
kuch is tarhaa tujhpe asar kar jaayenge

zarurat pade agar kabhi jaan dene ki to
waadaa hai tujhse pehle hi mar jaayenge

*****HRIDAY*****


	Logged

Advo.RavinderaRavi

Guest

Re: -----/// Kaafi hogaa ///----- Hriday

«Reply #14 on: August 30, 2013, 12:30:27 AM »

Kya Baat Hai Hridayji Bahut Khoobsurat Kalaam Pesh Kiya Hai Aap Ne.

Quote from: ~Hriday~ on August 29, 2013, 07:10:18 PM

samajhte hain woh hamaaraa dil unke shringaar pe aayaa hai
kyaa bataayen unki saadgi ne humein deewaanaa banaayaa hai

*****HRIDAY*****


	Logged

Pages: [1] 2 All

Yoindia ShayariAdab > Shayri ( Poetry ) or Shayari > Shayri for Khumar -e- Ishq > Topic: -----/// Kaafi hogaa ///----- Hriday