!!!khamoshi ke alfaaz ko sun!!! (Dec.20.2006)

khamoshi ke alfaaz ko sun,
ek prem-geet hai tere khatir!
jo raag basa hai dhadkan mein,
bas usko sun! E sanam kaafir!

mein haale-dil to bayaa kar do,
ek baat mujhe par khalti hai!
aayat-e-ishq jabaa se padh do,
ye jabaa to jahaa ko chhalti hai!

duniya k shor sharaabe mein,
meri preet ki dhun ko E janaa!
mein janta hu mushkil hai bahut,
khamosh taraano ko sun paana!!

ek chohdawi raat k dhalte pahar,
kisi thahri nadi k puliyaa par!
hum baithe rahe aasmaa tale,
dil mein khwabo ki shamaa jale!

tu meri ankh mein padh lena,
jo baat jabaa par lata nahi!
kahte na bane! sahte na bane,
ab mujhse raha bhi jata nahi!

ikraar pe tere sadke hai,
ye jaan meri hai tere haazir!
khamoshi ke alfaaz ko sun,
ek prem geet hai tere khatir!