Koi puchhe mere baare me to...................:Shayri for Khumar -e- Ishq

Koi puchhe mere baare me to...................

by vipul kumar on February 23, 2011, 03:37:27 PM

Pages: [1]

Author

(Read 1225 times)

Koi puchhe mere baare me to yu.n kahnaaa.....

Masiiha tha ik shaidaa_ii sa tha...... [Shaidaaii=Paagal]
Bhari bazm me aalam-e-tanhaayi sa tha...
Na wasl tha usko na firaaq uskaa, [Wasl=Milan;Firaaq=Judaii]
Ajiib dilkash tha mijaaz uskaa...

Aankho.n me aansuo.n se tasviire.n banata tha...
Lafjo.n se kaagzo.n ki taqdiire.n banata tha...
Kabhi aanchal, kabhi kaajal to kabhi rang-e-hiina,
Yu.n husn-e-jaana par tahriire.n banata tha... [Tahriir=Writtings]

Dasht-e-khwab ka baashinda, [Dasht-e-khwab=Desert of Dreams]
Khayaalo.n ka rahnumaa tha wo...
Meri chaahato.n ka rahbar,
Meri hasrato.n ka khudaa tha wo...
Dam-e-iisa thi uski nazme.n, [Dam-e-iisa=Which Gives life to Dead]
Kalam me masihaa_ii rakhtaa tha...
Use dekhne waale na bhule rastaa fir kabhi,
Yu.n aankho.n me rahnumaa_ii rakhtaa tha...

Koi puchhe mere baare me to yu.n kahnaaa.....

Jo bhi mujhme tum dekhte ho,
Sab mujh me aqs hai usi ka... [Aqs=Reflection]
Ye baate.n meri sher jaisi,
Ye lahjaa mera saadgi ka.....

Yu.n bhi kahnaa k haar gayaa hai ab,
Kabhi duniya jiitne nikla tha jo...
Uski hasrate.n kha gayi usi ko...
Har kadam khud hi Rahnumaa tha jo.

Wo raato.n ki syaahi sa gumnaam shayar,
Ret par khayaalo.n ki lakiire.n banata tha...
Apni umr ki sarhad se kahii.n gahraa,
Lafjo.n pe Nazmo.n ki janjiire.n banata tha.......

Koi puchhe mere baare me to yu.n kahnaaa.....

Jump to:

Quick Reply

With a Quick-Reply you can use bulletin board code and smileys as you would in a normal post, but much more conveniently.