Kuch Na Kaho Piya.....!!!

Kuch Na Kaho Piya, Aanken Bolthi Hai,
Aaj un najron mein mujhko samaa lene do!
Teri panha mein savarthi hai angdaayian,
Aaj un baahon mein mujhko samaa lene do!!

Jogan ban baitun main saari umar,
Jogiya tera basera hi mera aashiyan hai!
Jaise bhi ho saphar jindgi ka,
Hamsaphar banke bas tera saath nibhana hai!!
Kuch Na Kaho Piya, Saasen Bolthi Hai,
Aaj har lamha mujhe mehek jaane do!
Raat ke chaadar mein jo khwab baste hain,
Aaj har karvat mein mujhe behek jaane do!!

Yeh jindgi tho mili hai duvaon se,
Ban jaaun teri har muraad ki main sangini!
Jindgi ke daayre mein na jaane kya hai likha,
Muskuraathe chali ulphaton ko main na gini!!
Kuch Na Kaho Piya, Dil Boltha Hai,
Aaj un dhadkanon se mujhko deedar karne do!
Besabr hoti hai nigaahen tere intzaar mein,
Aaj un raahon se mujhko pyar karne do!!

Diye ke Lau ke jaise timtimathi hai aanken,
Un aakhon mein jagmagtha tera tasweer hai!
Dhimi dhimi si chali purvaayi koi hulchal machaane,
Teri har hulchul se judi meri takdeer hai!!
Kuch Na Kaho Piya, Haya Bolthi Hai,
Aaj un jasbon mein mujhko phir se jee lene do!
Tere saath bitaaye har pal yaadgaar rahenge,
Aaj un lamhon mein mujhko phir se jee lene do!!