'main kaisi lagti hoon'

 Naye saal par unhone hamse pucha ,
'main kaisi lagti hun'
Humne kaha,
'paudhon mein nayi kali see,
Gehun kee sunhari baali see,
Kisaano kee jeet jaisi
Lohri ke geet jaisi,
is gulabi jaade mein ,
gulabi gulabi saari pehne,
 Gunguni dhoop jaisi lagti ho'.

Holi par unhone humse pucha',
'main kaisi lagti hun'
Humne kaha,
'Rangon kee khushi see,
Chehron kee hansi see,
Ghuzion kee mithaas jaisi,
Bhaang kee pyaas jaisi,
Is rang birange tyohaar mein,
Rang birangi saari pehne, Phoolon kee bahaar jaisi lagti ho'.

Karwa chauth par unhone hamse pucha,
'main kaisi lagti hoon'
Hamne kaha,
'suhagan ka shringar see,
Sargi ka intezaar see,
Chaand kee chaandni jaisi,
Krishna kee nandini jaisi,
Suhaag ke is tyohaar mein,
Shaadi wala laal joda pehne,
Nayi naveli dulhan jaisi lagti ho'.

Diwali par unhone hamse poocha,
'main kaisi lagti hoon'
Hamne kaha,
'deepon kee maala see,
Andhere mein ujala see,
Saji hui rangoli jaisi,
Bandook kee goli jaisi,
Roshni ke is tyohaar mein,
Jhilmil sitaron wali saari pehne,
Phuljhadi jaisi lagti ho'.

wah wah bohut khoob lajwab umda daad qubool kareN

  nice thought.

very nice .......

 

Nice, bahuuuuuuuuuuuuut pyari rachna.

thanx suman jee...