MAIN RAHUNGA WAHI TUMHARE SAATH

Jab sukh aapke kadam chumne lagen
Aapke gaalon par se khushi ke aansun bahane lagen
Tumhari khushiyon me shaamil
Main Rahunga Wahi Tumhare Saath
Khuda se yahi Dua karte hue
Duniya ki har khushi tumhare daaman me padti rahe.

Jab kabhi jeevan me gam ka andhera aa jaaye
Kisi roj in pyari palkhon me maayusi chha jaaye
Aur kabhi is haseen chehere par dukh ka saaya bas jaaye
Main Rahunga Wahi Tumhare Saath
Yahi koshish karte hue
Tumhari khoyi hui muskaan kahin se wapas laut jaaye.

Jab bhi apne aap ko dukhi paoge
Zindagi ke kathin raaste par kho jaoge
Banunga tumhara Dost tumhara Saathi
Apne haathon me liye tumhare haath
Main Rahunga Wahi Tumhare Saath.

Need ki gehrayee me jab tum Kho jao kathinaiyon se thak kar
Chumkar bhejunga main tumhari aur sundar sapnon ko sajaakar
Rangeen sapnon ka anand liye tum chain ki neend so jaana
Mathe par tumhare rakhkar apna haath
Main Rahunga Wahi Tumhare Saath.

Kamiyabi aur Yash ki Manzil jab tumhe mil jaaye
Safalta ke shikhar par pahunch tumhara hriday garv se phul jaye
Bheed ke kisi kone me,
Tumhe sarhane ke liye, Tumhara apna ban
Main Rahunga Wahi Tumhare Saath.

Beetta hua waqt jab jawani ke josh ko kam kar de
Samay ka nirantar chalta chakr aapke baalon me chandi ka rang bhar de
Tum mujhe tab bhi wahi paoge
Tumhare Saath Chalte Hue, Tumhara Haath Thaame Hue.