MAZA NA MAYE KE PIYAALON MEIN DOOB KAR PAAYA .................. HASAN -Panna 2:Shayri for Khumar -e- Ishq

F.H.SIDDIQUI

Guest

«Reply #15 on: November 12, 2013, 11:54:31 AM »

Saini bhai , housla afzai ke liye bahut shukrguzar hoon.


	Logged

Similar Poetry and Posts (Note: Find replies to above post after the related posts and poetry)
	bazm-e-ranj mein tumko nai paaya ........ by HumTum in Shayri-E-Dard
	phool shabnam mein doob jaate hain by fakharenaveed in Shayri-E-Dard
	Tanhai ke samundar mein doob jaane do!!! by Ravi_Dave in Shayri-E-Dard
	Har Tasavvur har ek Khayaal mein Paaya Tha.. by A.$.H in Ghazals
	HONTON KA TABASSUM GAYA , JEENE KA MAZA BHEE ...........................HASAN by F.H.SIDDIQUI in Ghazals « 1 2 3 All »

Guest

Re: MAZA NA MAYE KE PIYAALON MEIN DOOB KAR PAAYA .................. HASAN

«Reply #16 on: November 12, 2013, 02:20:40 PM »

Wah.... buhat he khoob ghazal kahi aap ne F.H.SIDDIQUI sahab!

behr-e-mujtas, mucamman, makhboon, mehzoof, maqtoo

Ghalib ka isi beher main say kuch yaad ayaa...
.......
Ragon main daurnay phirnay k hum nahi qaail
jo aankh he se na tapka tu phir lahoo kya hay

4th sher main "ne, na" ki main noon ki takraar kuch dhiyaan khenchti hay...

Shayari k syllabus ka hisa banaya jaa sakta hay isay..


	Logged

sidra04

Guest

Re: MAZA NA MAYE KE PIYAALON MEIN DOOB KAR PAAYA .................. HASAN

«Reply #17 on: November 12, 2013, 05:27:12 PM »

Maza na Maye ke piyaaloN meiN doob kar paaya
Jo uss HaseeN ke KhayaaloN meiN doob kar paaya

khoobsurat Matla janaab... daad

Wafa , Khuloos , Mohabbat haiN aaj kyuuN Unqaa
Jawaab in hi SawaaloN meiN doob kar paaya

waaahhhh......

Jalaal , Rahm - o - Karam , AazmaaisheiN , In'aam
Khuda ko uss ke JamaaloN meiN doob kar paaya

Masha Allahh.........

Sukoot - e - Shab ne , na Shabnam , na Chaandni ne diya
SukooN jo Chaand ke haaloN meiN doob kar paaya

Waahhhhh... beauty at it best....

Jawaab - e - Maqsad - e - Takhleeq - e - Kaaynaat 'Hasan'
QuraaN ke paak HawaaloN meiN doob kar paaya

wahh waahhhh waaahhhhhhh..... qayaamat, asardaar, lajawaab , aur maainikhez ghazal likhi hai aapne hassan saahab... Walaaah..... kai kai baar padh gayee is haseen peshkash ko.... dheron daad aur mubaarakbaad aapko.. likhte raheN sir.... Allah aur nawaaze.. aameen.

Sidra


	Logged

F.H.SIDDIQUI

Guest

Re: MAZA NA MAYE KE PIYAALON MEIN DOOB KAR PAAYA .................. HASAN

«Reply #18 on: November 12, 2013, 06:34:09 PM »

Quote from: vb on November 12, 2013, 02:20:40 PM

Bahut shukriya housla afzai ke liye . Aur usse zyada mashkoor hoon aap ke us baareek nukte ke liye jo aap ne uthhaya hai .Yaqeen kijye k is site par doston se housla afzaii to bahut milti hai lekin aise hassaas tabsiron ke liye tarasta hoon.Aur isi wajah se ghazlein to main hafte mein do baar zuroor post karta hoon lekin jo ghazlein meri nazar mein ittefaaqan qabil e tawajjo hoti hain kum post karta hoon .
Aap ke nukte ka ehsaas thha aur isi wajah se (,) ke zariye wuqoof ka istemaal kiya hai taaki sher zuroori waqfa de kar padha jaaye aur zahn par garaan na guzre. Nazar e saani par shaayed is aib poshi ko aap jaayez qaraar dein . Phir bhi koi mumkin islaah ka hamesha isteqbaal hai . Khud is khaksaar ka ramooz ka ilm mahez layman ke barabar ka hai aur kisi hawaale ka zikr nahin kar sakta . Lekin salaah aur nukte par mazeed roshni ke liye hamesha mashkoor rahoonga .
Bahut bahut shukriye ke sath , Duago, Hasan


	Logged

mkv

Guest

Re: MAZA NA MAYE KE PIYAALON MEIN DOOB KAR PAAYA .................. HASAN

«Reply #19 on: November 12, 2013, 07:18:23 PM »

Quote from: F.H.SIDDIQUI on November 12, 2013, 06:34:09 PM

Bahut shukriya housla afzai ke liye . Aur usse zyada mashkoor hoon aap ke us baareek mukte ke liye jo aap ne uthhaya hai .Yaqeen kijye k is site par doston se housla afzaii to bahut milti hai lekin aise hassaas tabsiron ke liye tarasta hoon.Aur isi wajah se ghazlein to main hafte mein do baar zuroor post karta hoon lekin jo ghazlein meri nazar mein ittefaaqan qabil e tawajjo hoti hain kum post karta hoon .
Aap ke nukte ka ehsaas thha aur isi wajah se (,) ke zariye wuqoof ka istemaal kiya hai taaki sher zuroori waqfa de kar padha jaaye aur zahn par garaan na guzre. Nazar e saani par shaayed is aib poshi ko aap jaayez qaraar dein . Phir bhi koi mumkin islaah ka hamesha isteqbaal hai . Khud is khaksaar ka ramooz ka ilm mahez layman ke barabar ka hai aur kisi hawaale ka zikr nahin kar sakta . Lekin salaah aur nukte par mazeed roshni ke liye hamesha mashkoor rahoonga .
Bahut bahut shukriye ke sath , Duago, Hasan

Aadaab Sir
aapka javaab padhkar..eik mix si feeling huee.
chandrama ka kaam to sheetalta dena hai..kuch vaisa hi javaab hai aapka..ekdam shaant..sheetal..aur roshni dene vaala.mera chitta bhi shaant ho gaya ..

jin tabsiron ki baat aapne kee hai..sach hai.par mere hisaab se..aapko uski zaroorat naheen..

saadar


	Logged

khamosh_aawaaz

Guest

Re: MAZA NA MAYE KE PIYAALON MEIN DOOB KAR PAAYA .................. HASAN

«Reply #20 on: November 12, 2013, 07:29:07 PM »

Quote from: F.H.SIDDIQUI on November 11, 2013, 07:13:28 PM

Maza na Maye ke piyaaloN meiN doob kar paaya
Jo uss HaseeN ke KhayaaloN meiN doob kar paaya

Wafa , Khuloos , Mohabbat haiN aaj kyuuN Unqaa
Jawaab in hi SawaaloN meiN doob kar paaya

Jalaal , Rahm - o - Karam , AazmaaisheiN , In'aam
Khuda ko uss ke JamaaloN meiN doob kar paaya

Sukoot - e - Shab ne , na Shabnam , na Chaandni ne diya
SukooN jo Chaand ke haaloN meiN doob kar paaya

Jawaab - e - Maqsad - e - Takhleeq - e - Kaaynaat 'Hasan'
QuraaN ke paak HawaaloN meiN doob kar paaya

..........................
Unqa = Vanished ; jamaalon = beauties / qualities ; Sukoot e shab =
Raat ki khamoshi ; Maqsad = prpose ; takhleeq= creation ; kaaynaat=
universe ; hawaalon = references
...........................

मज़ा न मय के पियालों में डूब कर पाया
जो उस हसीं के ख़यालों में डूब कर पाया

वफ़ा , ख़ुलूस , मोहब्बत हैं आज क्यूँ उनक़ा
जवाब इन ही सवालों में डूब कर पाया

जलाल , रह्म - ओ - करम , आज़माइशें , इन'आम
ख़ुदा को उस के जमालो में डूब कर पाया

सुकूत - ए - शब ने , न शबनम , न चांदनी ने दिया
सुकूं जो चाँद के हालों में डूब कर पाया

जवाब - ए - मक़सद - ए - तख़लीक़ - ए - कायनात 'हसन'
क़ुरान के पाक हवालों में डूब कर पाया

veriiiiiiiiiiii naaaaaaaaaaaaaaaaice-FHS


	Logged

F.H.SIDDIQUI

Guest

Re: MAZA NA MAYE KE PIYAALON MEIN DOOB KAR PAAYA .................. HASAN

«Reply #21 on: November 12, 2013, 09:29:08 PM »

Thankks Risk ji.


	Logged

Guest

Re: MAZA NA MAYE KE PIYAALON MEIN DOOB KAR PAAYA .................. HASAN

«Reply #22 on: November 12, 2013, 09:45:51 PM »

Quote from: F.H.SIDDIQUI on November 12, 2013, 06:34:09 PM

F.H.SIDDIQUI Sahab!

Hum maazerat khawah hen k shayad apni auqaat say barh kar kuchh likh gayay... waja faqat yehi thi k jis nuqta ki taraf ishara kiya usay hum aib nahi gardaantay, balkay hamari samajh k mutabiq isay koi bhe aib nahi tasavur kar sakta ku k "ne, na" say beher ko koi gazind na puhunchti hay... Aur yaqeen kejay k agar isay hum aib jaantay tu faqat kuch taareefi kalemaat chhor kar jaatay, k mubaadaa aadaab-e-mehfil ki khilaf warzi na ho...

janab mkv sahab k comments say bhe hamen kuchh aisa he mehsoos huva k hum say ghalati hui hay, jis par hum un say bhe maazrat khawah hen... or yaqeenan aap ko is qadar ijz ki zaroorat na thi...

hum khud bhe atfaal-e-ramooz hayay sukhan main say he hen. hamara apna likha hua buhat kuchh beher say maadar-piddar aazaad hota hay aur usay hum khud beher main kabhi nahi toltay k hamara likhna shaayari barayay shaayari nahi, faqat tasavar kashi hota hay...

ake foot-paath paray deevaanay k aadhay ghantay k lecture say jo hum ne seekha, us say barh kar hum gardaanon k pech-o-kham say waqif nahi. hamaari majaal nahi k aap k likhay ki tas'hee kar saken... aur phir likhnay walay k ehsaas hotay hen shayari main, jinhen koi aur alfaaz nahi day sakta... lekin choonkay aap ne salaah ki taraf ishara kiya hay tu hum is misra'a ko kuchh yun dekhtay hen: -

Sukoot - e - Shab se , na Shabnam , na Chaandni se mila
SukooN jo Chaand ke haaloN meiN doob kar paaya

aakhir main ake baar phir sub say maazerat or is yaqeen dahaani k saath, k aainda aisa nahi ho ga...

vb

..............
kaavish-e-harf-e-sadaaqat ka silaa jaan gayay
wo jo giraaN thay yahan, bazm say mehmaan gayay
log saadaa hen teray shehr-e-sitam gaahi k
ake deevaanay ki baatoN ki bura maan gayay


	Logged

Saman Firdaus

Guest

Re: MAZA NA MAYE KE PIYAALON MEIN DOOB KAR PAAYA .................. HASAN

«Reply #23 on: November 12, 2013, 10:09:07 PM »

Wahh!!!! kya khoob peshkash hai...


	Logged

F.H.SIDDIQUI

Guest

Re: MAZA NA MAYE KE PIYAALON MEIN DOOB KAR PAAYA .................. HASAN

«Reply #24 on: November 12, 2013, 10:54:29 PM »

Quote from: vb on November 12, 2013, 09:45:51 PM

Bhai , aap waqai kuchh zyada hassas hain aur mere jawab ko bura maan'na samajh gaye . Hargiz nahin, bulki mera kahna sirf itna thha ki main khud chaahta hoon ki kuchh adabi tabsire bhi hon jo Bazm mein kum hote hain. Aap ke adabi tabsire ka khair maqdam kiya thha.Main eik tifl e maktab hoon aur apni haisyat samajhta hoon aur is silsile mein na kisi khushfahmi ka shikaar hoon n ehsaas e kamtari ka . Khule dil se seekhne aur ghalat tanqeed ka jawaab dene ke liye taiyar rahta hoon .Isi site par mere ashaar ki aisi bhi islaah ki gai hai ki islaah karne waale ne bahr se kharij sher kah diya ya mazmoon ki aisi ki taisi kar di.Magar main ne uska bhi khair maqdam kiya aur shusta zubaan mein munasib jawaab diya.Is liye aap aisa na mahsoos karein ki aapki baat ka bura maana hai .
Aapki islaah sar aankhon par . Achhi hai . Yaqeen jaanye is misre ke 2 alternatives e thhe aur aap ka bataaya hua shayed kisi doosri site par post bhi kiya hai , Eik doosra alternative 'ne na ' ki jagah ' na hi' bhi thha . Lekin shayed meri kum ilmi ya nasamjhi thhi ki mujhe ' mila ' lafz ke istemaal mein woh baat nahi lagi jo 'diya' mein lagi aur main ne munaasib wuqoof dekar 'na ne' ke istemaal ko garaan nahi samjha.Aap ka bahut shukriya ki aap ne eik achhi salaah di hai aur aap ki ijazat se aayenda is shakl mein bhi sher post kar ke dekhoon ga .Main sharminda hoon k aap meri baat ko ghalat samjhe aur ummeed karta hoon ki ghalatfahmi zahn se nikaal dein ge .
MKV ji ne bhi , jahaan tak unke reply se main samjha hoon , unhi tabsiron ki taraf ishara kiya hai jiski is site par kami ki main ne shikayat ki thhi.
Aap ka eik baar phir shukriya .Duago, Hasan


	Logged

~Hriday~

Poetic Patrol
Mashhur Shayar

Rau: 115

Offline

Gender: Male

Waqt Bitaya:
101 days, 3 hours and 51 minutes.

kalam k chalne ko zamaana paagalpan samajhta hai.

Posts: 16243
Member Since: Feb 2010

Re: MAZA NA MAYE KE PIYAALON MEIN DOOB KAR PAAYA .................. HASAN

«Reply #25 on: November 12, 2013, 11:19:55 PM »


	Logged

Guest

Re: MAZA NA MAYE KE PIYAALON MEIN DOOB KAR PAAYA .................. HASAN

«Reply #26 on: November 12, 2013, 11:22:33 PM »

F.H.SIDDIQUI sahab!

buhat shukriya aap ka is qadar tafseel say javab likha aap ne, is qadar waqt liya is banda ne jis par sharmindagi mehsoos ho rahi hay..

dar-asal aap ne hamaray comments ko foran aur sub say pehlay reply kar dala aur wo bhe is qadar aajizi say tu yakeen janiyay k ye hum expect nahi kar rahay thay... k hamaray comments is qadar ehmiyat k haamil na hon gay tu socha k zaroor koi khilaaf-e-aadaab-e-mehfil baat ho gai hum say...

aur phir, jis qadar beher main aboor aap ko hay, hamaara kisi nuqta ki taraf ishara karna, munaasib na tha.. yakeenan aap ko us ka ilm ho ga he... is liyay maazrat kar daali hum ne..

aur in basyaar harfi taqaarir ko nazar andaaz kar dejay... buhat achha likhtay hen aap... likhtay rahiyay, bazm main diyay jaltay rehnay chahiyen...

vb


	Logged

F.H.SIDDIQUI

Guest

Re: MAZA NA MAYE KE PIYAALON MEIN DOOB KAR PAAYA .................. HASAN

«Reply #27 on: November 13, 2013, 01:32:17 AM »

Quote from: vb on November 12, 2013, 11:22:33 PM

Shukriya , aap ke jawab se tasalli hui janab. Main ne aap ke tabsire pe out of turn sab se pahle jawab bhi isi liye diya thha kyunki main discussion se bhaagna nahi bulki is issue par mazeed roshni chaahta thha . Khubsurat ikhtitaam k liye aap ka mashkoor hoon . Hasan


	Logged

F.H.SIDDIQUI

Guest

Re: MAZA NA MAYE KE PIYAALON MEIN DOOB KAR PAAYA .................. HASAN

«Reply #28 on: November 13, 2013, 12:46:45 PM »

Quote from: Risk on November 11, 2013, 07:16:50 PM

bohat khub

Thanks a lot


	Logged

F.H.SIDDIQUI

Guest

Re: MAZA NA MAYE KE PIYAALON MEIN DOOB KAR PAAYA .................. HASAN

«Reply #29 on: November 13, 2013, 07:55:50 PM »

Quote from: Bishwajeet 'Musaahib' on November 11, 2013, 07:28:11 PM

waah waah, Hasan Sahab bahut khoob ...Dheron Daad...
Applause

thanks Musaahib ji .


	Logged

Pages: 1 [2] 3 4 All

Yoindia ShayariAdab > Shayri ( Poetry ) or Shayari > Shayri for Khumar -e- Ishq > Topic: MAZA NA MAYE KE PIYAALON MEIN DOOB KAR PAAYA .................. HASAN