Meri Adhuri Pyaas

Aaj phir dil ko koi apna lagne laga hai ,

Ek ajnabi ke liye dil phir bechain hone laga hai ,

Muskaan se apni, dil mein jagah bana raha hai koi ,

Meri aankhon ki chamak ko bada raha hai koi ,

Ae khuda, karta hun ek sawaal mai tujhse ,

Mere mann ko tadpa raha tha jo, na jane kabse ,

Saalon se jiski talaash thi mujhko ,

Bekarar nazron se dhundh raha tha jisko ,

Kya yahi hai woh, jo bujhaegi meri adhuri pyaas ,

Kya yahi hai woh, jiski aashiqi mein leta hun mai saans ,

Kya yahi hai woh baahein ,

Jinki khwahish mein bharta hun mai aahein ,

Ae mere khuda, ab kar bhi de iss raaz ko benakaab ,

Ab de bhi de meri fariyadon ko jawaab ,

Aur mila de uss jigar ke tukde ko tu mujhko ,

Jannat mein mere liye, tune baksha hai jisko.

Bahut Khoob