merz-e-ishk

jab bhi aaya mere hounton pe tera naam aaya
zikr tera hi zubaan pe hai subah shaam aaya

mere dil me hain nihan teri hi tasweer sanam
jalwa tera hi mere dil ke lab-e-baam aaya

teri ye teer-e-nazar jab bhi idher se guzri
zarre zarre se tera mujhko hi salaam aaya

maanind rind hu magar mai ka talabgaar nahi
pita hu tere tabassum ka jab bhi jaaam aaya

hai marz-e-ishk mujhe aur tera diwana hu main
tere dar pe mera ab ye dil-e-nakaam aaya

aatish-e-deed me hai sab kuch jalane ke liye
tera aashik teri khatir ho ke badnaam aaya

apne to dunya me koi bhi nahin kaam aaya
kaam aaya to  bus ishk hi hai jo kaam aaya

nm

thanx mahiya ji...sirf aap ki wajah se hi NM likha hai

Nice sharing Samnoj!!

Wo na aayein toh satati hai khalish si dil ko,
wo jo aayein toh khalish aur jawan hoti hai.......
NM