Mohabat:Shayri for Khumar -e- Ishq

Mohabat

by Manoj Shekhawat on November 04, 2008, 08:29:40 AM

Pages: [1]

Author

(Read 654 times)

Pehle mein chain se soya karta tha,
ab raaton ko karvatein badalne laga hun.

pehle mein sabse bahut baatein kiya karta tha,
ab chupchaap rehne laga hun.

pehle mein mehfilon mein raha karta tha,
ab akela rehne laga hun.

shaayri aur kavitaaon ka shokh nahi tha mujhe,
par ab khud shaayri likhne laga hun.

tumse mulakat hone ke baad,
jaane kyun tumhare baare mein hi sochne laga hun.

pehle mein doston ki nakal kiya karta tha,
ab aaine ke saamne tumhari nakal karne laga hun.

zindagi ke safar mein akele chalte chalte achanak,
tumhare saath chalne ki khwayish karne laga hun.

sablog tumhara naam le lekar mujhe pareshaan kiya karte the,
par ab yeh pareshaani bhi pasand karne laga hun.

jo lamhe humne saath bitaye the,
woh lamhe ab roz yaad karne laga hun.

tum mujhe jin baaton par hasaya karti thi,
ab un baaton ko dohra dohra kar hasne laga hun.

sab log mere khoye khoye rehne ki wajah puchte the,
par ab yahi sawaal khud se puchne laga hun.

bhale hi tum mujhse door ho par,
har ghadi tumhari aahat mehsoos karne laga hun.

ab to tumhara zikar hone par,
main to sharmane laga hun.

pehle main mandir jaata tha bhagwan ke darshan karne,
par ab tumhare darshan ki duaa maangne laga hun.

pehle tum mujhe begaani lagti thi,
par ab tum me woh apnapan mehsoos karne laga hun.

pehle main pyaar ki baatein bilkul nahi samajhta tha,
par ab woh sab samjhne laga hun.

main apni khudki haalat pe hairan hun,
main aisa kyun hone laga hun?

mujhe aisa lagta hai "Sweety",
shaayad mein tumse pyaar karne laga hun..!

Jump to:

Quick Reply

With a Quick-Reply you can use bulletin board code and smileys as you would in a normal post, but much more conveniently.