nahi tumse mohhabat he,chaho toh kasam lelo

Wohi subah ho sardi ki,
Kampkampaata sa jaada ho..
Sajj ke ghar se main niklun,
Tumse milne ka waada ho..
Wo Local bus ka safar mera,
Jiska afsos tumhe jyaada ho..

Shikayat kar ke rooth jaana,
Pakad kar kaan ko phir manaana.,
Woh sataana deir takk mera,
Kankhiyon se dekhna chehra...
Barf se haath jamte ho,
Magar jazbaat pighalte ho..
Malna baar baar haanthon ko,
Rokna kitkitaane se daanton ko..

Tumhaare coat ki jebon mein,
Doono ki ungliyaan milna,
Surkh gaalon pe nazar teri,
Hazaaron khawaab ka khilna..
Tumhaari baaton ka pitaara ho,
Bina shart sab kuch gawaara ho..
Rakhna sang sang kadam apna,
Tumhare kaandhe ka sahaara ho..

Chalo hum bhi laut aate hai,
Phir se aaj me "MahiYa"..
Guzarish tum se karti hoon,
Ho sakey toh sunn lena...
Apne labon par tum bhi bus,
Dua yeh ek hi rakhna,
Darmiyaan tumhare hamare beech,
Bhale hi jahaan yeh saara ho,
Yaadon mein hi sahi, kabhi apni
Wohi hanseen mulakaat dobaara ho..[/size][/font][/center]


duniya ko chahe na gawaara ho
pur haan,woh mulaakat dubaara ho
is khata se mil jaaye soo khanjar
aisi koi diwaani shaam awaara ho

kuch udhad si gayi hey us coat ki jebey
pur kashish ungliyon mein ub bhee hey baaki
hatheli thaamna tum bina sochey bina samjhe
meri aankhon mein fir paana jannat ka nazaara ho

duniya ko chahe na gawaara ho
pur haan, woh mulaakat dubaara ho

yeh mulakaat bhee lekin,judaai de ke jaayegi
pur is shushk jeevan mein koi chingaari to aayegi
bade armaan hey kuchley,zamaane ke dur se ub talak
khud ko behkaaye aur sawaare hum,aisa koi to ishaara ho

duniya ko chahe na gawaara ho
pur haan,woh mulaakat dubaara ho