Nazuk e halaat par...

Nazuk se halaat par gaur kijiye,
dil ke khayalat par gaur kijiye.

Tujhe dekhkar dil ki raftar par,
behke se jazbaat par gaur kijiye.

Aaye hain toh kuchh der rukk jaiye,
chhoti si mulaqaat par gaur kijiye.

Besabab ki taqrar ka kya faida,
meri is baat par gaur kijiye.

Tere khayalon mein guzar jaati hai,
haseen is raat par gaur kijiye.

Chaand taarein gawah hain ishq ke,
saji hui baraat par gaur kijiye.

Yun na kahin guzar jaaye tanha,
abke hui barsaat par gur kijiye.

                  Daljeet'faqeer'

Nice 1 Faqeer ji