*** Saath Rehna***

Saath Rehna Is Kadar Mere,
Ke jindgi bhi kam pad jaaye!
Saath chalna hamsaphar mere,
Ke raastha bhi kam pad jaaye!!

Tanha tanha yuhin chal rahe the,
Teri aahat jo suni tho ruk gaye!
Chup chup se hont muskuraaye magar,
Baaten jo kehi chaahin vahin ruk gaye!!
Aakhon mein rehna tasweer banke,
Ke har nazar mein tera deedar ban jaaye!
Saath Rehna Humkadum Banke,
Ke har kadum naya saphar ban jaaye!!

Mulaakat na huyi phaaslon ke darmiyan,
Phir bhi intzaar ka lutph uthate rahe!
Har nagme mein tujhe yaad karke,
Tanhaayiyon ko bhi sataate rahe!!
Baawri si ho gayi pyar karte karte,
Ke mohabbat bhi kam pad jaaye!
Saath Rehna Yun Izhaar Karte,
Ke aashiqi bhi kam pad jaaye!!

Teri panahon mein saawan ki ghadiyan,
Kabhi mausam ko tarasthi nahi,
Pathjhad bhi nahi dethi hai siskiyan,
Duriyan bhi kashish mein tadapthi nahi!!
Saath Rehna Imthihaan Banke,
Ke har sawaal par tu hi jawaab ban jaaye!
Saath Rehna Muskaan Banke,
Jo jindgi ke har pehel ka hisaab ban jaaye!!

wahhh bahoot achchhe........daad kabul kijiye aur yuhi likte rahiye.