saqi ki har nigah

saaqii kii har nigaah pe bal khaa ke pii gayaa
laharo.n se khelataa huaa laharaa ke pii gayaa


bekaifiyo.n ke kaif se ghabaraa ke pii gayaa
taubaa ko to.D taa.D ke tharraa ke pii gayaa


[bekaifii=unintoxicating (unpleasant); kaif=intoxication]


zaahid ye merii shoKhii-e-ri.ndaanaa dekhanaa
rahamat ko baato.n baato.n me.n bahalaa ke pii gayaa


[zaahid=wise man; shoKhii=mischief/restlessness; ri.ndaanaa=drunk]
[rahamat=benevolence]


sarmastii-e-azal mujhe jab yaad aa ga_ii
duniyaa-e-aitabaar ko Thukaraa ke pii gayaa

aazuurdagii-e-Khaatir-e-saaqii ko dekh kar ai rahamat-e-tamaam merii har Khataa mua'af
mai.n i.ntahaa-e-shauq me.n ghabaraa ke pii gayaa


[Khataa=mistake; mu'aaf=pardon; i.ntahaa-e-shauq=limits of desire]


piitaa beGair izan ye kab thii merii majaal
dar-pardaa chashm-e-yaar kii shah paa ke pii gayaa


[izan=permission/order; majaal=dare; dar-pardaa=hidden]
[chashm-e-yaar=beloved's eyes]


us jaan-e-mayakadaa kii qasam baarahaa "Jigar"
kul aalam-e-bisaat pe mai.n chhaa ke pii gayaa


aziiz

shayad ye ghazal jigar muradabadi saheb ki hai barahe karam unka naam niche zaroor likhe . agar ye ghazal unki hi to,  baqi bohut lajwab ghazal hai, share karne ke liye shukriya