!!__-Shaam e Furqat-__!!

 
Shaam-e-Furqat Dhalay Hum Nahi Chahtay
Ghum Say Fursat Milay Hum Nahi Chahtay

Phir Naya Waar Sehnay Ko Tayyaar Hain
Tu Pareshaa'n Rahay, Hum Nahi Chahtay

Aaj Ansoo Bahaanay say Mat Rokiye
Aaj Baarish Thamay, Hum Nahi Chahtay

Hum Teray Baad Ujrray Howay Theek Hain
Ab Kahin Dil Lagay, Hum Nahi Chahtay

Teray Paikar Ko Hum Dekhtay Hi Rahain
Tu Nazar Say Hatay, Hum Nahi Chahtay

Kis Qadar Dil Nasheen Hai Yeh Mojon Ka Shoor
Ghum Ka Darya Rukay Hum Nahi Chahtay

Iss Qadar Pyaar se Tu Pukara na Kar
Aag Dil Ko Lagay Hum Nahi Chahtay

   Its My Fav not Mine

bahut khoobsoorat ghazal he
ap ki zaati takhleeq nahin magar
ais se ap ke zoq ka indaza hota he
ke ap ki pasand bahut khoobsoorat he..