tere pyar ka saya hota

apne gulshan ko mere gam se sajaya hota,
pyar gar tumne kiya tha to nibhaya hota

roshni kho di chirago ne, chand taro ne,
kaash tumne mujhe itna na rulaya hota

shikva kaise karu tumse mein tabahi ka,
hans ke kehta jo gale mujhko lagaya hota

mere arma na kabhi mujhse bagavat karte,
god mein mujhko sulakar jo manaya hota

badte kadamo ko mein rokkar vapas ata,
naam dhere se mera lekar jo bulaya hota

zindagi dard hai aur dard zindagi meri,
kash tumne mujhe jeena na sikhaya hota

maut bhi kehti khuda se ke ise jene do,
mere sar pe jo tere pyar ka saya hota

good work...husain ........!