TOHFA - E - DIL.................( by Qais )

Jab  tak  aap  se  mila  na  thha,
Pyar  kya  hai  mujhe  pata  na  thha,
Zindagi  jaise taise  kat,tee  thhe,
Koi  shikwa  na  thha   gila  na  thha,
Thhe  shab o roz  mahv e gham e rozgar faqat
Dil  se  dil  ka  yeh  silsila  na  thha

Aap  ke  husn  ne.
Saadgi  ne , khuloos  ne,
Hamdardi  ke  jazbaat  ne,
Na  jaane  kya  kar  diya  hai,
Bhool  gaya hoon  gham e rozgaar,
Bhook  hai  na  pyaas  hai  ab,
Aap  ka  khayaal ,  aap ki  tadap ,
Aap  hi  ki  aas  hai  buss.

Zubaan  gung  hai,
Kaifyat  apni  ayaan  naheen  kar  sakta
Haal e dil  bayaan  naheen  kar  sakta,
Chehra  mera  agar  karay ,
Mere  dil  ki  akkaasi ,
Aur  is  mein  nazar  aaye,
Kuchh  khuloos ,kuchh  sachhai ,
Kuchh  apna pan ,

To...
Apni  palkon  ko  dheere  se  jhapkaa  ke ,
Ya  zer e lab  muskura  ke ,
Kar  leejye  ga  qubool ,
Ye  tohfa ,
Mere  Dil  ka

Nice expressions, Qais ji.

Parwaaz ji.Hausla afzai ke liye shukriya.Abhi likhna shru kiya hai.Aap sab logon ki salah aur  rachnaon se sudhar laane ki koshish karta hoon.bus apna pyar hum per rakhye.