Tu rooh mein iss qadar bas gayi hai..............Ghanshyam Yadav

Kab tak main yun geet gaata rahunga
Kab tak main tujhko bulata rahunga

Kab tak main dekar jhootha dilaasa
Nadaan   dil   ko    sulata    rahunga

Jo  lamhe  beetay  kabhi  sang  tere
Kab tak main unko bhulata rahunga

Jinmei.n   basi     hai     tasweer  teri
Un aankho.n ko kab tak rulata rahunga

Jab tak na aayegi   tu milne mujhse
Ye  kisse  sabhi  ko  sunata rahunga

Jab tak meri wafaaei.n hain zindaa
Sapne  milan    k    sajata   rahunga

Kabhi saath chhoota agar iss jaha.n se
To uss jaha.n  mein  bulata rahunga

Jab tak ye dhadkan dhadakti rahegi
Main yun hi raat bhar gungunata rahunga

Tu meri rooh mein iss qadar bas gayi hai
K tujhpe naghme  lutaata rahunga

Waah Ghanshyam jee, kya khoob likha hai aapne.

waaaaah bahut hi badiya...bahut khoob....