Tum Aayi Ho.

Mere kamren ke sannate keh rahe  hai,

Tum aayi ho,
mujhe bin bataye,bina darwaja khule,
meri tasavur me,
tum dabe paon aayi ho.

Mere paas baithne,mere ruthe dil ko manane,
yuhin mujhse baat karne,
meri khayalon me,
tum duniyan se chhup ke aayi ho.

Pyaar ki guftgu karne,mere bikhre jiwan sajane,
phirr kuchh jhuti dilasa dene,
mere geeton me,
tum duniya se izazat le kar aayi ho.

Meri viraan raaton ki ghazal me,

Tum aayi ho,
ek saaz bankar,ek malhaar raag bankar,
meri banayi dhun me,
tum ek jhankar bankar aayi ho..

Mann ki bansuri bajane,dil me koi sangeet chhedne,
woh geet sabko sunane,
mere khali pan me,
tum pancham raag lekar aayi ho..

Yamuna ke tat par aayi ho milne,meri dhun se taal milane,
pyari payal khankane,
kanha ki zindegi me,
tum raadha bankar aayi ho..

Sabke mana karne par bhi,lakh badnaam seh kar bhi,
laaj sharam gawa kar bhi,
pyaar ki galiyon me,
tum aaj mujhse milne aayi ho..

http://jnyanaranjan91.blogspot.in/2014/10/tum-aayi-ho-1.html
http://jnyanaranjan91.blogspot.in/2014/10/tum-aayi-ho2.html

बहुत खूब.....

t thank u ....