tum jo thehar jao

Tum jo pal ko thehar jao to yeh lamhey bhi
aney waley lamhoon ki amanat ban ja'een
tum jo thehar jao to yeh raat, mahtaab
yeh sabza, yeh gulaab aur ham donoon ke khwab
sab ke sab aisey mubham hoon k haqeqat ho ja'een
tum thehar jao k unvaan ki tafseer ho tum
tum sey talKhi-e-auqaat ka mausam badaley
raat to kia badlegey, halaat to kia badlenge
tum jo thehar jao to meri zaat ka mausam badley
meherbaan ho k na thehro to phir youn thehro
jaise pal bhar ko koi khuwaab-e-tamanna thehre
jaise darvaish-e-mada-nosh ke pyaale main kabhi
ik do pal k liye talkhi-e-duniya thehre
thehar jao k madaraat maikhaaney say
chalate chalate koi ek-aadh subuu ho jaaye
is se pahley k koi lamha-e-aa'indaa ka teer
is tarah aaye k pevast-e-gulu ho jaye