tum....

tum the bas tumhi to the
chand lafzo me kya kahu
ki kya the tum
andheri kaali syah raato me
tanha khud ko jalaane ka bahana the tum

ek arse se khaamos
palko me chhupaa rakha tha jise humne
wo najrana the tum
waqt ki gehraiyo me ghum
koi hansi fasana the tum

mere khwabo ki haqiqat the tum
ya koi khwab anjaana the tum
kisi aur ki khwahish the tum
ya meri hi apni tamanna the tum

thakkar jindagi ki in raaho se
jis god me sar rakhkar
mai pehro sukun ki neend sota
wo sirahna the tum

mai jis kaandhe pe sar rakhkar
jee bhar kar ro sakta
jo mujhe dhadas bandhata
wo mehfuj thikana the tum

meri hansi meri khusi
mere aansu mere jajbat the tum
meri aankho me meri palko pe
mere sapno me meri har baat me the tum.......
ANAND KUMAR"APRIYA"

bhaijee ye shayaro ki rating ka kya maajra hai.....mai ab tak naya hu....kkye rating badhti kaise hai....

bhaijee mai jaha rehta hu waha matra 30-35 indians hai aur in sab ke liye kavi ki ek hi chhavi hai inke dimaag me...wo bhi buri par uparwale ka shukra hai ki mai ab bhi likhta hu...aur sach kahu to yoindia mere liye ek wardaan hai.....aaplogo ka saath ho to mai bas yu hi madhim gati se sikhar ki ore anwarat badhte rahunga par ye kambakht medical ki padhai waqt hi nhi deti ki shukun se baith kar likh saku.....

Anand Ji aap ka likhne ka andaaz mujhe pasand aayaa
Bas yun hi likhte rahiye. Main samajhta hoon ki aap
par pa.dhayee ka kaisa bojh hai kyun ki mera putr bhi
3rd year medical student hai.
Khush rahiye , likhte rahiye , mera ashirwaad aap ke saath hai

bhaijee ek aur baat aapse share karna chahunga shayad aapne wo is baar saawan me fir wothuth waali kavita padhi hogi usme khaas baat ye hai ki wo kavita maine semester exam ke 1 ghante pahle likhi thi......ummeed hai aapkopasand aayi hogi.........