tumne mujhe samjha hee nahin

Tumne mujhe samjha hee nahin
Maine tumhe kabhi paana nahin chaha
Maine to tumhe hamesha khona chaha
Khone mein jo kashish hai
Vo paane mein nahin
Kabhi kabhi kuch Kho kar jo hasil hota hai
Vo jamane bhar kee khushiyn paa kar
bhi nahin milta
Tumhara saath khokar main tumhara
pyaar paa leta
Saath rehkar kabhi kabhi hee keh pata 'Main tumse pyaar karta hoon'
Par abhi main roz kehta hoon
'Main aaj bhi tumse pyaar karta hoon'
Jo jitna door hota hai
vo dil ke utna kareeb hota hai
Jaise aakash aur dharti Jaise chaand aur chakor
Jaise radha aur krishna
Jaise rail kee do patriyan
Phool tab tak sabse jyada sundar hota
hai
Jab tak vo daal pe hota hai. Use paane ke liye use todna padta hai
Maine tumhe kabhi todna nahin chaha
Tumne mujhe samjha hee nahin.
Aankhon ko sahi se dekhne ke liye
Kuch doori kee awayshakta hoti hai
Jyada paas se dekhne pe Sab dhundla ho jaata hai
Isi tarah
Do logon ke jada kareeb aane pe
Pyaar dhundla ho jata hai
Main apna pyaar dhundla nahin karna
chahta tha Tumne mujhe samjha hee nahin.
Aaj bhi maine
Tumhare sath bitaye pal sambhal ke
rakhein hain
Jab jab udaas hota hoon
Unko yaad karta hoon Aansuon ko girkar tootne nahin deta
Moti banakar rakhta hoon
Log pyaar mein gir jate hain
Main uthana chahta hoon
Tumhari yadon ko jehar nahin
Khushboo banana chahta hoon Tumne mujhe samjha hee nahin.

waah waah

thanks saini jee...