Unkee aankhoun mein khumaaree thee ajab-see, par kyoun?

Shadeed surmayee saaye they: yaad hai mujhko!
Woh, aaj khwaab mein aaye they: yaad hai mujhko!
Unkee aankhoun mein khumaaree thee ajab-see, par kyoun?
Naqaab, rukh sey uthaaye they: yaad hai mujhko!

Woh kahaan hai? mujhey maaloom naheen hai! fir bhi,
Mujhko lagtaa hai, woh qareeb hai, bagal mein hai!
Woh roshnee mein naheen aayegaa: pataa hai mujhey!
Shab ho taareek, to, ho saktaa hai, nazar aaye?
Aankh kaa noor yeh kaisaa hai, kyaa kahoon? ya Rab!
Jisko beytaab hoon rakhney ko mein nigaahoun mein:
Usee ko meyree nazar deykh naheen paatee hai?
Kyaa pataa yoon hi meyree zindagi guzar jaaye?

                                      -abd bundeli
 

Muhammed sa'b,
Hizaab kiskaa hai? Kiskey liye hai? batlaayen!
US kee aankhoun key roo-b-roo koyi hizaab naheen!!
US kaa jalwaa hi kuchh aisaa hai, ki, bas, kyaa kahiye?
Noor ko US key bayaan kar dey jo: kitaab naheen!!

                                      -abd bundeli

Mahiya ji!
Kyaa kahoon? mujh ko azal sey talaash hai US kee:
Jis kee aankhoun key roo-b-roo ho, mujhey chain miley!
Silsilah katm-e-adam sey hai baraabar jaaree:
Guzar chukey hain dahar, jab sey naheen nain miley!!
US kee aankhoun sey naheen pee hai may zamaanoun sey;
Suroor kaa to mujhey khyaal tak naheen hai ab;
Khumaar, go ki, abhi bhi nazar mein hai baaqee;
Yoon to lagtaa hai baraabar, yaheen kaheen hai ab!!

                                        - abd bundeli

Abd saab.,

Kitaab-o-sahife Sahih
Moosa Se Puchhe Koi..
Toor Pe Taa'b Na La Sake
Jo Dekhi Ek Lamha Jalwagari...

Hazrat-e-Moosa To Kalim The
Usne(Rab ne) Shan-e-Kalimee Dekhaai...
Ye To Habib Hai Arab Ka Durr-e-Yatim
Me'araaj Me Shan-e-Mehboobi Dekhaai...

Faasle Mit Gaye..
Hizaabaat Uth gaye..
Mehboob-o-Muhibb Mil Gaye..
Usne shan-e-Habibi Dekhaaaaaai....!!!!!

                           -- Raza

Muhammed sa'b,
Meiney eik baar pahley bhi, apnaa yah sheir aapkey mukhaatib kiyaa thaa, ab fir sey padhney ki tqleef gawaaraa kareyn:
'Ab to yahee beyhtar hai: fir jalwah dikhaaou tum!
 AAYE they jaisey pahley: fir TOOR pai aaou tum!!'
Hazrat Moosaa bahut puraaney naheen hain; unko jo 'jalwah' dikhaayee diyaa thaa saainsdaanoun ney usey lagbhag sahee tai paayaa hai! Baaqee kitaaboun mein to likhaa hi hai! Hazrat Moosa jaisey hi tamaam waaqiyaat 'Bhaartiya Upnishhdoun' mein bharey parhey hain, agar aapkaa mazhab aapko unhain padhney ki ijazat deytaa ho to, zaroor padh kar deykhiyegaa: angrezi samet tamaam jubaanoun mein, un mein sey kuchh key, tarjumein asaanee sey haasil ho jaayengey! Upnishhad 2000 saaloun sey bhi kaheen jiyaadah puraaney hain!
                    - abd bundeli

Muhammed sa'b,
Kyaa hi shaandaar baatetn kartey hain aap! Khushee huyee padh kar! Aap Sanskrit jaantey hain: jaan kar bahut achchhaa lagaa! Aap SCIENCE ki naheen maantey: mujhey koyee shikwaa naheen hai! Aap eik aisey mulk key shahree hain, jahaan aap ko jo bhi maannaa hai, yaa jo naheen maannaa hai: iskee pooree aazaadee hai!
Duniyaa SCIENCE ko maantee hai; aap na maaneyn kyaa farq parhtaa hai! Loud speaker bajaatey hain; railoun-basoun mien safar kartey hain; hawaayee jahaaz mein urhtey hain; bijlee ki roushnee mein 'padhtey' hain, 'padhaatey' hain; air-conditionaroun aur pankhoun ki thandee hawaaoun ka mazah leytey hain; radio suntey hain, taqreerein kartey hain: kitneen baateyn ginaaoon: fir bhi aap SCIENCE par bharoshaa naheen kartey? Aap ki marzee hai: aur aap apnee marzee key maalik hain! Mujhey koyee gilaa naheen hai! In baatoun ka zikra, jitnee majhabee kitaabeyn meiney padheen hain, kam-se-kam unmein to mujhey kaheen dikhaa naheen hai!
Ab Arbee jubaan (abjd ko chhorh kar) mein jaantaa naheen hoon: unmein zaroor in baatoun kaa zikra, do-chaar hazaar saal pahley, mujhey yaqeen hai zaroor huaa hogaa!
  (Bijlee chalee gayee hai: aagey fir kabhi pooree baaten kar loongaa!)
Ab deykhiye aap mein, aur ham mein, eik barhaa bhaaree farq yeh bhi hai, ki, aapney to, Sanrkrit kaa ilmkaar honey sey 'hamaaree' saaree ki saaree kitaabeyn  parh daaleen hain; par hamney arbi jubaan kaa abjdaa bhi barhee muishkil sey seekh paayaa hai, is sey ham to us muaamley mein maan leejiye saaf-saaf 'zeero' hi hain! Fir, hamaarey paas aap ki shaandaar taqreeroun ko sunney key alaawaa koyee raastaa hi kahaan bachaa hai! Isliye, inshaaillah, aap to apnnee baateyn sunaatey rahiye : samajhney ki koshish jaaree rakhoongaa!
                                                   -abd bundeli

Muhammed sa'b,
"Kyon Yaar "Shandaar" Keh K Chhota bana dete ho..Maana Ki aapse Chhota Hun..
aapne kon si arabi kitaab padhi hai.."
Ab, "shaandaar" ko shaandaar na kahoon to kyaa kahoon? Waisey bhi sachchaayee kab tak chhupee raheygee, pyaarey Muhammed sa'b!
Aur, meiney to yah kbhi kahaa hi naheen hai ki meiney eik bhi arbi ki kitaab kabhi padhee hai! Mein to arbi kaa mahaz 'abjdaa' hi jaantaa hoon! arbi to mujhey aatee hi naheen hai! Meiney wahee to likhaa thaa! Bhai ilmdaar aadmee ho, kaheen aap ko 'katm-e-adam' ki meyree kahee koyee baat to yaad naheen aa gayee hai? woh to aap hain, jis ney Sanskrit-Arbi ki tamaam kitaabeyn padh daaleen hain! Mein Arbi key eik adeeb key baarey mein hi thorhaa-bahut jaantaa hoon; aur woh hain 'Al Jurjaanee' yaa 'Al Jurjani'. 'J' ki jagah 'z' bhi ho saktaa hai! Angreizee mein apnee 'research' key douraan 'imagery' key silsiley mein, unkee eik kitaab kaa angreizee tarjumaa padhaa thaa! yaa, jaisaa ki meiney pahley bhi bataayaa thaa, Quraan Pak key tarjumein bhi padhey hain! Eik baar dobaaraa padhiye, to, sab saaf ho jaayegaa!
                                         -abd bundeli

Muhammed sa'b,
Khaashey dilchasp insaan ho! Shukriyaa! Aur Khudaa haafiz! Fir baat-cheet hogee agar USEY manzoor huaa to!
                           - abd bundeli